Txikipedia:Mont Blanc

Mont Blanc mendi bat da. Alpeetan dago Frantzia eta Italia arteko mugan.

Mont Blancen ikuspegia

Altuera

4.808 metrotako garaiera du. Europa mendebaldeko mendi altuena da. Izen frantsesa da ezagunena, italieraz Monte Bianco da. Euskaraz "mendi zuria" esan nahi du, gailurra beti elurtuta izaten duelako. Glaziar asko ditu, ehun inguru. Glaziarrak izotzezko ibaiak dira.

Lehenengo igoera

Lehenengo igotzaileen eskultura

1714tik aurrera hainbat espedizio egin ziren baina ez zuten lortu mendia igotzea. Ezinezkoa izango zela pentsatzen zen. Oso mendi aldapatsua da eta hotz handia egiten du beti. Elurra izoztuta egoten da eta oso zaila da gailurrera igotzea. 1786. urtean igo zen lehen aldiz eta balentria hori oso ezaguna egin zen Europa guztian.

Tunela

Mont Blanc azpitik zeharkatzen du tunel batek. 11 kilometrotako luzera du eta Frantzia eta Italia elkartzen ditu. 1965. urtean ireki zen.

Turismoa

Azken urteetan leku turistikoa bihurtu da. Mendizale asko joaten dira paisaia ederraz gozatzera. Eskiatzeko pista asko ere badaude.

Mont Blancen ikuspegia Aiguille du Midi menditik

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.