Txikipedia:Mitokondrio
Mitokondrioak baba itxurako organuluak dira eta zelula eukariotoen barnean daude. Gure zelulek energia behar dute eta mitokondrioei esker lortzen dugu energia hori.
Mitokondrioaren egitura:
1) Barneko mintza
2) Kanpoko mintza
3) Gandorra
4) Estroma
1) Barneko mintza
2) Kanpoko mintza
3) Gandorra
4) Estroma
Egitura
Mitokondrioek bi mintz dituzte: kanpokoa eta barnekoa. Kanpoko mintza leuna da, barnekoak aldiz tolesturak ditu. Tolestura hauei gandorra esaten zaie, oilarraren gandorraren itxura dutelako. Mitokondrioen barneko mintzaren barruan geratzen den espazioari estroma esaten zaio eta barnean likidoa du.
Funtzioa
Mitokondrioen funtzioa elikagaietatik energia lortzea da. Horretarako mantenugaiak eta oxigenoa hartzen dute eta arnasketa zelularra egiten dute. Zelula guztiek ez dute mitokondrio kopuru bera. Animalia-zelula gehienek, 500 mitokondrio inguru izaten dituzte.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.