Txikipedia:Metonimia

Metonimia baliabide estilistiko edo literario bat da: gauza bat harekin nolabaiteko harremana duen beste baten izenaren bidez izendatzea da.

Bi gauza horien arteko harremana hainbat eratakoa izan daiteke:

• Egilea izendatzea, haren lanaren ordez: Atxaga irakurtzen ari naiz; Mozart entzuten ari naiz.
• Leku-izen bat erabiltzea, hor egiten den zerbaiten ordez: Zer iruditzen zaizu errioxa hau?
• Edukiaren ordez, edukitzailea: Botila osoa edan zuen.
• Tokia esatea, bertako biztanleen ordez: Italia osoa maitemindu zuen abeslari horrek.
• Marka bat, produktuaren ordez: Volkswagen bat dauka.
• Leku-izen bat erabiltzea, beste zerbaiten ikur edo sinbolo bezala: Ajuria Eneak hartutako erabakia.
• Balio sinbolikoa duten hitz edo esamoldeak: Mikel Landa da Tourreko maillot hori berria.