Txikipedia:Mendikate

Mendikatea elkarren ondoko mendi ugari dituen esparru geografiko bat da; mendi horiek nolabaiteko kate edo multzo handi bat osatzen dute eta hainbat elementu geografikoz ere osatuta dago (haranak, zabaldi edo ordokiak, aintzirak, eta abar); elementu geografiko horiek unitate bat osatzen dute, gehienetan luzea (zabala baino gehiago) eta norabide orokor bat izaten duena.

Kaukasoko mendikatea, satelitetik ikusita.

Munduko mendikaterik aipagarrienak honako hauek dira:

Asia	Afrika	Europa	Ipar Amerika	Hego Amerika
Himalaia Kaukaso mendikatea	Atlas mendikatea	Alpeak Balkanetako mendikatea Pirinioak	Appalacheak Mendi Harritsuak	Andeak

Mendikateak eta mendilerroak

Bi hitz horien esanahia ez da berdina. Mendikateak, ikusi dugun bezala, mendi-multzo oso handiak izaten dira; mendilerroak, aldiz, txikiagoak izaten dira. Nolabait esanda, mendikateak maila kontinentalekoak dira, eta mendilerroak herrialde edo eskualde mailakoak izaten dira.

Euskal Herriko adibide batzuk ipiniz, Pirinioak mendikatea dira, eta Aralar, Elgea, Toloño, Aramotz eta beste batzuk, berriz, mendilerroak dira.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.