Txikipedia:Mediterraneo itsasoa

Mediterraneo itsasoa ozeano Atlantikoaren ekialdean dagoen itsasoa da. Europako hegoaldearen, Asiako mendebaldearen eta Afrikako iparraldearen artean dago.

Mediterraneo itsasoaren satelite-irudia.

Gutxi gorabehera 2,5 milioi km2-ko hedadura du eta 3.860 km-ko zabalera mendebaldetik ekialdera, baina batez beste 600 km-koa iparraldetik hegoaldera. Gehieneko sakonera 5.020 m-koa du, Itsaso Jonikoaren inguruan. Munduko barne itsasorik handiena da.

Hiru penintsula handi daude itsaso honetan: Iberiar penintsula, Italiar penintsula eta Balkanetakoa. Mediterraneo itsasoko uharte eta uhartedi edo artxipelago nagusiak Sizilia, Sardinia, Korsika, Balearrak, Zipre, Kreta eta Joniako uharteak dira.

Mediterraneo itsasoa gainerako ozeano Atlantikoarekin komunikatuta dago Gibraltarko itsasartearen bitartez, Itsaso Beltzarekin Bosforo eta Dardaneloen itsasarteen bidez, eta Itsaso Gorriarekin Suezko kanalaren bitartez.

Munduko itsasorik kutsatuena da.

Argazki galeria
  • Nizako hondartza, Mediterraneoko uretan
    Nizako hondartza, Mediterraneoko uretan
  • Tel Aviv hiria eta Mediterraneo itsasoa
    Tel Aviv hiria eta Mediterraneo itsasoa
  • Retimno hiria, Kreta irlan, Mediterraneo itsasoan
    Retimno hiria, Kreta irlan, Mediterraneo itsasoan
  • Gozo irla, Malta
    Gozo irla, Malta



This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.