Txikipedia:Litosfera

Litosfera (harrizko esfera esan nahi du) Lurraren zati solidoa da, edo, zehazkiago, lurrazalean harri solidoz osatutako geruza mehea. Geruza hori hainbat zatitan dago puskatuta; plaka tektonikoak deitzen zaie zati horiei.

Litosfera 4 zenbakiz markatutako zatia da.

Lurraren bi barne-geruza dira litosfera osatzen dutenak:

Lurrazala bera.
Mantuaren goiko zatia.

Noraino iristen da?

Litosferaren beheko muga (hau da, goi-mantu zurrunaren eta goi-mantu malguaren arteko muga) olibino izeneko mineralak bere fusio-puntua (1200 °C) lortzen duen inguruan dago. Mineral horiek mantuan daude gehienbat.

Hala ere, muga hori ez dago sakonera berberean Lur osoan; dortsal ozeanikoetan ia 0 km-ko sakoneran dago, baina kontinenteen azpian, ordea, 200 km-tik gorako sakoneran.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.