Txikipedia:Laurasia eta Gondwana

Laurasia eta Gondwana Pangea superkontinentea bitan zatikatu zenean hortik sortu ziren bi kontinenteak ziren.

Laurasia eta Gondwana

Jurasiko garaiaren hasieran (duela 200 milioi urte) gertatu zen Pangearen zatiketa; Laurasia iparraldeko kontinenteari deitu zaio, eta Gondwana hegoaldekoari. Bien artean, ozeano bat eratu zen: Tetis ozeanoa.

Laurasia

Laurasia kontinentea geroago Asia, Europa eta Ipar Amerika eratuko tituzten lurrez osatuta zegoen; gaur egungo hiru kontinente hauek bat eginda zeuden.

Geroago, duela 60 milioi urte, Laurasia bera ere bi kontinentetan zatikatu zen: Laurentia eta Eurasia.

Laurasia izena, hain zuzen ere, beste bi kontinente horien izenen kontrakzioaz eratuta dago.

Gondwana

Gondwana kontinentea, berriz, gaur egungo Hego Amerika, Afrika, Ozeania eta Antartikako lurrez osatuta zegoen.

Gaur egungo Ozeano Atlantikoa sortzean hasi ziren banatzen Laurasia eta Gondwana, duela 130 milioi urte inguru (Kretaziko garaian).

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.