Txikipedia:Koilara
Koilarak, sukaldeko tresnak izateaz gain, idiofonoen familiako soinu-tresnak dira.
Nolakoak dira?
Ezpelezko bi koilara.
Metalezkoak erabili izan badira ere, musika egiteko ohikoenak zurezko bi koilara arrunt izaten dira. Hots egokia lortzeko, ezpelezkoak izaten dira maiz.
Nola jotzen dira?
Bi koilarak bata bestearen parean eta elkarri bizkarra emanez esku batean harturik, hatz erakuslea bien artean jarririk, izterraren eta gainean jarritako beste eskuaren kontra joaz eta astinduz jotzen dira.
Koilarak euskal herri-musikan
Koilarak perkusio tresna gisa kantua erritmikoki laguntzeko erabiliak izan dira, bereziki mahaiaren inguruan ematen diren festetan. Gipuzkoan eta Araban ezagutu ditugu koilara jole trebeak.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.