Txikipedia:Kilimanjaro
Kilimanjaro mendia Afrikako mendirik altuena da, Tanzaniaren ipar-ekialdean dagoena. Tropikoan dagoen arren, bere tontorra izotzez eta elurrez estalita dago urte osoan.
Kilimanjaro mendia hiru sumendi inaktiboz osatuta dago. Kibo erdian dago, Mawensi ekialdean eta Shira mendebaldean. Kibo tontorrik garaiena da, eta 5.895 metro altu da (19.340 oin). Mawensiren altuera 5.149 metrokoa da (16.893 oin). Shira 3.962 metro altu da (13.000 oin). Beheko mendi-maldaren zati batzuk zuhaitz askokoak dira. Basoetan elefanteak, bufaloak, tximinoak eta eland izeneko idi formako antilopeak bizi dira.
Jendea beheko magaletan bakarrik bizi da. Bananak, artatxikia eta kafea landatzen dituzte eta ganadua ere hazten dute. Hegoaldeko eta ekialdeko magaletan, Chagatarrek ureztatzeko sistema bat garatu dute, laboreak ureztatzeko.
Europarrek Kilimanjaro ezagutu zuten misiolari alemaniarrek 1848an ikusi zutenean. Eskalatzaileak 1889an igo ziren lehen aldiz Kibo tontorrera. Gaur egun, milaka mendizale saiatzen dira urtero Kibora igotzen. Moshi herria, mendiaren hegoaldean dagoena, eskalatzaileentzako base bat da. Hezkuntza, Zientzia eta Kulturarako Nazio Batuen Erakundeak (UNESCO) Kilimanjaro mendia Gizateriaren ondare izendatu zuen 1987an.