Txikipedia:Karatxi

Karatxi Asiako hiri bat da eta Pakistango hiri handiena, baina ez da hiriburua. Hiriburua Islamabad da. 2017ko datuen arabera 14.910.352 biztanle ditu.

Karatxiren ikuspegia.

Geografia eta klima

Pakistango hegoaldean kokaturik dago, Indus ibaiaren amaieran eta Arabiako itsasoaren ertzean. Ibaiaren deltan kokaturik dagoenez oso laua da baina muino batzuek inguratzen dute.

Oso beroa da eta abuztuan 47ºC-tik gora ere izaten da. Udan monzoi garaia izaten da eta euria egiten du, baina gainerako urtaroetan oso lehorra da.

Historia

Antzinatik bizi izan da jendea Karatxi inguruan baina hiria 1729 urtean sortu zen Kolatxi izenarekin. 1839 urtean britainiarrek konkistatu zuten eta 1854 urtean itsas-portua eraiki zuten. Portu hau Indiako garrantzitsuenetakoa zen eta hiria asko handitu zen.

1947 urtean Pakistanek independentzia lortu zuen eta Karatxi bihurtu zen hiriburua. Ondoren Rawalpindi eta beranduago Islamabad bihurtu ziren hiriburu.

Leku ikusgarriak
  • Mohatta jauregia
  • Jinnah hilobia

Irudiak
  • Mohatta jauregia.
    Mohatta jauregia.
  • Jinnah hilobia.
    Jinnah hilobia.
  • Pakistango museo nazionala.
    Pakistango museo nazionala.
  • Hawke's Bay hondartza.
    Hawke's Bay hondartza.



This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.