Txikipedia:Hontz handi

Hontz handia (Bubo bubo) hegazti bat da. Afrikan, Europan eta Asian bizi da.

Entzun!

Hontz handia.

Deskribapena

29-73 zentimetro arteko altuera du eta 1,5 eta 4 kilogramo artean pisatzen du. 1,3 eta 1,7 metro arteko hego-zabalera du. Begi laranjak ditu. Bizkarreko lumak ilunak dira, mantxa argiekin. Sabela argia du. Buruaren bi aldetan bi luma luze ditu.

Elikadura

Gaueko harrapakaria da. Bere elikadura oso aldakorra da. Bere bizilekuaren eta urtaroaren arabera aldatzen da. Adibidez, untxiak, intsektuak, katagorriak, beste hegazti batzuk eta abar jaten ditu. Irensteko zailak diren zatiekin bola bat egin eta ahotik botatzen du.

Ugalketa

Abendua eta martxoa artean jartzen ditu arrautzak. 1 eta 6 arrautza artean jartzen ditu. Bi emeek kabi berean jar ditzakete arrautzak. Beraien kabiak zuhaitzen enborretan edo amildegietan egoten dira.

Izena hainbat hizkuntzatan

Gazteleraz: búho real
Ingelesez: Eurasian Eagle-owl
Frantsesez: Hibou grand-duc

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.