Txikipedia:Errusiera

Errusiera Errusian eta inguruko herrialde askotan hitz egiten den hizkuntza da. Munduko zortzigarren hizkuntza erabiliena da.

Errusieraren hedadura.

Ezaugarriak

Herri eslaviarren artean, hiztun gehien dituen hizkuntza da: 285 milioi pertsonak hitz egiten dute. Gainerako hizkuntza eslaviarrekin antz handia du, adibidez bielorrusierarekin, ukrainerarekin edo serbokroazierarekin.

Alfabeto edo idazkera berezia du: alfabeto zirilikoa.

Historia

Errusierazko dokumentu zaharrenak X. mendekoak dira. XX. mendean Sobietar Batasuna sortu zen eta Errusiaz gain beste herrialde asko hartu zituen bere baitan, Ukraina, Bielorrusia, Estonia, Letonia, Lituania, Kazakhstan, Georgia eta beste batzuk. Herrialde horietako guztietako biztanleek errusiera erabiltzen zuten eta oraindik ere haien lehen edo bigarren hizkuntza da.

Hitzak

Hona hemen hitz batzuk:

Euskaraz	Errusieraz (zirilikoz)	Errusieraz (gure alfabetoz)
Errusia	Росси́я	Rossia
Kaixo	Приве́т	Priviet
Eskerrikasko	спасибо	Spasibo
Agur	до свидания	Do svidaniya
Maite zaitut	Я тебя люблю	Ya tebya lyublyu

Errusiera pixka bat entzun nahi?

Aldameneko taulatxoan klik eginez, errusiera pixka bat entzun ahal izango duzu:

Entzun!

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.