Txikipedia:Egipto

Egipto Afrika iparraldeko herrialde bat da. Kairo da haren hiriburu eta hiri nagusia. Erroldako datuen arabera, ia 73 milioi biztanle zituen 2006an; horietatik 8,5 milioi hiriburuan bizi dira.

Egipto, mapan kokatuta.

Oso ospetsuak dira faraoien garaian eraikitako Egiptoko piramideak. Haiei esker, turista asko iristen dira Egiptora: 2008ko datuen arabera, 13 milioi inguru. Horregatik, turismoa oso garrantzitsua da herrialde horretako ekonomiarentzat: biztanleria aktiboaren %12k lan egiten du sektore horretan.

Geografia
Egiptoko bandera.

Lau zati edo eskualde bereizten dira: Behe-Egipto, Erdialdeko Egipto, Goi-Egipto eta Nubia.

Nilo ibaiak zeharkatzen du herrialdea hegoaldetik iparralderaino. Biztanle gehienak ibai horren ertzetan eta haren deltan bizi dira, landatzeko moduko lurrak daudelako bertan, bai eta ura ere. Gainerako lurrak basamortuak dira. Saharako basamortuak okupatzen du Egiptoko lurralde gehiena.

Argazki galeria
  • Kairo hiria
    Kairo hiria
  • Kairo
    Kairo
  • Gizako piramideak
    Gizako piramideak
  • Suezko kanala
    Suezko kanala
  • Meskitak Kairon
    Meskitak Kairon
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.