Txikipedia:Bulgaria

Honako hauekin ditu mugak: Iparraldean: Errumaniarekin Hegoaldean: Grezia eta Turkiarekin Ekialdean: Itsaso Beltzarekin Mendebaldean: Mazedoniako Errepublika eta Serbiarekin Danubio ibaitik hegoaldera dago, Errumaniarekiko mugan, eta Balkan mendietatik iparraldera. Bien artean, lautada bat du, nekazaritzarako oso emankorra, bai eta mendi txikiago batzuk ere. Hor bizi dira biztanle gehienak.

Herrialdearen zatirik handienak klima kontinentala dauka, uda bero eta lehorrekin (Itsaso Beltzetik hurbileko lurretan, batez ere) eta negu hotz eta gogorrekin. Tenperatura minimoak -10º eta -15º artean egon ohi dira, eta maximoak 30° inguru.

Bulgariako ekonomiaren sektorerik indartsuenak meatzaritza (ikatza, burdina, kobrea, petroleoa eta gas naturala ekoizten dituzte) eta nekazaritza dira; lau biztanleetatik batek lan egiten du oraindik nekazaritzan edo arrantzan. Lehenagoko garaietan, tabako landarearen hazkuntza oso zabalduta zegoen eta tabako asko esportatzen zuten. industriak ere pisu handia du gaur egun, eta produktu kimikoak, makinak, elikagaiak eta altzairua esportatzen dituzte.

Turismoa ere garrantzi handia hartzen ari da azkenaldian; batez ere, Itsaso Beltzeko itsasertzean eta mendi-kirolak egiteko. Gainera, UNESCOk hainbat leku izendatu ditu Gizateriaren Ondare: adibidez, Rilako monasterioa, Ivanovoko leizeetako elizak.