Txikipedia:Beira

Beira material gogor bat da, baina, era berean, oso hauskorra ere bada. Inorganikoa, gardena eta amorfoa da. Leihoak, lenteak, botilak eta halakoak egiteko erabiltzen da.

   Ba al dakizu   

Adi: Beira eta kristala ez dira gauza berbera
Askotan, beira hitzaren ordez kristal erabiltzen da, baina ez dira zehatz-mehatz gauza bera. Beira solido amorfo bat da; hau da, bere molekulak desordenatuta daude. Kristalaren molekulak, aldiz, guztiak txukun-txukun daude antolatuta.

Beira lortzeko, 1500 °C ingurutan hiru hauek fusionatu behar dira: silize-hondarra (Si O2), sodio karbonatoa (Na2 CO3) eta kareharria (Ca CO3).

Noiz hasi zen gizakia beira egiten?
Antzinako Egiptoko beirazko ontzi bat.

Dirudienez, Kristo aurreko 1200 urtean hasi ziren gizakiak beira egiten, Egipton eta Mesopotamian.

Beira birziklagarria da

Beira birziklatu egin daiteke. Edukiontzi berdeetara bota behar da. Gainera, nahi beste aldiz birzikla daiteke; ez du kalitatea galtzen.
Normalean, beirak, birrindu eta birziklatu baino lehen, kolorearen arabera bereizten dituzte.

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.