Txikipedia:Antartika

Antartika munduaren hego poloan dagoen lur-eremu zabal bat da, itsasoz inguratuta.
Antartikaren %99 izotzez estalita dago. Horregatik deitzen dute kontinente izoztua. Neguan kontinentearen inguruko itsasoa ere izoztu egiten da eta, ondorioz, Antartikak bikoiztu egiten du bere azalera.

Antartikaren kokapena.

Klima

Antartikako tenperaturak munduko hotzenak dira. Urteko batez besteko tenperatura –50 °C izaten da. Udan, zerotik beherako gradutan egoten dira.
Haize bortitza izaten da Antartikan, 100 km/h-tik gorakoa.

Geografia

Antartikaren azalera 13,9 milioi km2 da. Beraz, Europa baino handiagoa da. Antartika inguratzen duen itsasoak Ozeano Antartikoa du izena.

Biztanleria

Antartikan ez da ia inor bizi, bertako klima oso gogorra delako.
Gehienbat ikertzaileak izaten dira han, aldi baterako azterlanak egiten.

Fauna eta flora

Animalia eta landare gutxi daude lurrazalean, ia guztia izotzez estalita dagoelako. Hala ere, itsasoan plankton, arrain, zetazeo, itsas txakur eta itsas elefante asko daude. Pinguinoak ere badira Antartikan.

  • Herschel mendia, Antartikan
    Herschel mendia, Antartikan
  • Fryxell lakua, kate transartaktikoan (ikus Google Maps)
    Fryxell lakua, kate transartaktikoan (ikus Google Maps)
  • Iceberg edo izozmendi bat, bankisan harrapaturik
    Iceberg edo izozmendi bat, bankisan harrapaturik
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.