Txelba arrunt

Txelba arrunta izendatzeko izen asko daude Euskal Herrian:[2]

Gorputz obalatua du, batazbeste 35 cm neurtzen dituena[3]. Jaso den txelba handienak 91 cm neurtu zituen eta 7.720 gramo pisatu. 26 urte hartu ditzake[4].

Kolore arrosa du eta distira zilarkarak. Sabelaldea argiagoa da. Bizkarraldeko hegatsak 12 arantza eta 9-12 erradio bigun ditu. Hegatsak arrosak edo horixkak dira.[5]

Buruaren gainaldea ilunagoa da eta gazteek ezkata urdinxkak dituzte tartekaturik[5]. Begi handiak ditu[6] eta bien artean bulto txiki bat[7]. Baraila bietan ditu hortzak, letagin itxurakoak, lau goiko barailan eta sei azpikoan. Hauen atzetik hortzen lerro bat eta haginen bi lerro berri[7].

Ozeano Atlantikoaren alde bietan aurkitzen da; mendebaldean Eskozia Berritik (Kanada) hasi eta Mexikoko golkotik zehar Brasil eta Argentinaraino, ekialdean Britainiar uharteetatik Mauritania alderaino, Azoreak, Madeira eta Kanariak barne. Mediterraneoan ere bizi da[3].

Arrokazko, harri txintxarrezko edo hareazko hondoetan. gazteek nahiago dituzte Posidonia zelaiak, bai eta aintzirak ere. Kostaldeko arraina da baina negu aldean ur sakonagoetara migratzen du, 250 metroko sakonerara iritsiz[6].

Bi lupiaren artean txelba, labean erreta.

Haragi preziatua duen arraina izanik arrantzatu egiten da, bai eta kirol arrantzan ere. Merkatuetan saltzen den gehiena gaur egun akuikultura lantegietan hazitakoa da ordea, arazorik gabe eta erraz hazten baita piszifaktoriatan[6].

Arraun zurien taldean sartuta dago. Haragi fina du eta erraz desegiten da. Labean erreta prestatzen da, barazkiz apainduta. Batzuetan bestelako arrainekin batera zerbitzatzen da, lupiarekin eta urraburuarekin esate baterako[6].

Ziguatera pozoiketa kasuren bat jaso izan da, merkurioa akumulatzeko joera baitute. Merkurioak plazenta zeharkatu dezakeenez eta fetoa kutsatu, ez da gomendagarria haurdunaldian kontsumitzea[6].