Turbellaria

Turbellaria Platyhelminthes filumaren azpi-banaketa tradizionaletako bat da, eta parasitoak esklusiboki ez diren talde guztiak barnebiltzen ditu. Eskuarki planaria izena ematen zaie[2]. Talde parafiletikoa da[3]. 4.500 bat espezie ezagutzen dira, milimetro 1etik 600era tamainan. Handienak zapalak eta hosto-formakoak dira, ez baitute arnas aparatu edo zirkulazio-aparaturik, eta metabolitoak difusioz zabaltzen dira gorputzean zehar. Txikienetako asko, berriz, hodi-itxurakoak dira. Sabelaldea zilioz estalia izaten dute, eta horien bitartez mugitzen dira, epidermisetik isurtzen duten mukiaren gainean lerratuz. Digestio-aparatua, espezie gehienek atze samarrean duten aho moduko zulo batez eta heste-itxurako hodi batez osatua dute; ugaltzeko eraz, hermafroditak dira; arrautza bidez ugaltzen dira, baina zatiketa hutsez ere ugal daitezke batzuk[4]. Gehienak predatzaileak dira. Itsasoan, erreka eta ibaietan edo lurzoru hezeetan bizi daitezke.

Turbellaria
40 Ma-0 Ma[1]

Sailkapen zientifikoa
ErreinuaAnimalia
AzpierreinuaEumetazoa
FilumaPlatyhelminthes
Klasea Turbellaria
Ehrenberg, 1831

Irudi galeria

Erreferentziak
  1. Poinar, George, Jr.. (2003ko azaroa). A rhabdocoel turbellarian (Platyhelminthes, Typhloplanoida) in Baltic amber with a review of fossil and sub-fossil platyhelminths.  doi:10.1111/j.1744-7410.2003.tb00095.x..
  2. Planarian. global.britannica.com (Noiz kontsultatua: 2016-11-4).
  3. (Ingelesez) Jondelius, Ulf; Ruiz-Trillo, Inaki; Baguna, Jaume; Riutort, Marta. (2002-04). «The Nemertodermatida are basal bilaterians and not members of the Platyhelminthes» Zoologica Scripta 31 (2): 201–215.  doi:10.1046/j.1463-6409.2002.00090.x. ISSN 0300-3256. (Noiz kontsultatua: 2022-08-11).
  4. Lur entziklopedietatik hartua.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.