Tumore

Tumore
Deskribapena
Mota	neoplasia
Identifikatzaileak
GNS-10	D48 eta C00
GNS-9	140 eta 239
MedlinePlus	001310
eMedicine	001310

Tumorea minbizi moduan ezagutzen ditugun prozesu gaiztoak deskribatzeko erabiltzen den terminoa da. Dena den, bere benetako esanahia nahiko inespezifikoa da eta gorputzaren toki konkretu batean ematen den ehun bolumenaren handipena esan nahi du. Tumore bat gaiztoa denean, inguruko ehunak inbaditu eta metastasiak sortzeko gaitasuna du.

Ohar medikoa

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Tumore onbera

Tumore onbera zelulen kontrolik gabeko hazkuntzak sortzen duen asaldura da. Ez dira minbizi sortzaileak, ez dute gizabanakoaren bizitza arriskuan jartzen. Normalean, deuseztatuak izan daitezke eta ez dira berriro agertzen. Zelula mota hauek elkarren ondoan mantentzen dira, alboko ehunak konprimituz hazten dira eta ez haiek inbadituz. Hala ere, histologikoki onbera den tumore bat klinikoki gaiztoa izan daiteke bere kokapena dela eta, esaterako nerbio-sistema zentralean kokatzen den tumore bat.

Tumore gaiztoa

Tumore gaiztoak minbizia sortzen dute. Zelula hauek alboko ehunetan infiltratzeko ahalmena dute. Minbizi zelula hauek tumore gaiztotik banandu eta zirkulazio sisteman edo sistema linfatikoan sar daitezke gorputzeko beste leku batetara heldu eta bertan berriro minbizia sortuz. Minbiziaren beste organo batzuetarako barreiadura hau, metastasi bezala ezagutzen da.

Tumore gaiztoak oro har hiru taldetan sailkatzen dira:

Kartzinomak. Minbizi honek epitelio ehunean du jatorria. Minbizi mota arruntena da. Azal, aho, birika, bular, urdail, kolon eta umetokiko minbiziak mota honetakoak izan daitezke.
Sarkomak. Ehun konektiboaren minbizia da. Gorputzeko edozein tokitan ager daiteke.
Teratoma heldugabeak.

Tumore onbera eta gaiztoen ezaugarriak
Ezaugarria	Onbera	Gaiztoa
Desberdintzapena	Tumore zelulek jatorrizko zelula helduen antza dute	Tumore zelulak ez dira jatorrizko zelula helduen antzekoak
Hazkuntza tasa	Motela; eten egin daiteke edo atzera joan	Azkarra, autonomoa; orokorrean ez da eteten, ezta atzera joaten ere
Hazkuntza mota	Zabaldu eta mugitu egiten da	Inbaditu, suntsitu eta ordezkatu egiten du
Metastasia	Ez	Bai
Osasunean duen eragina	Normalean ez du heriotzik sortzen	Heriotza eragin dezake diagnostikatu eta tratatzen ez bada

Teratoma

Teratoma jatorri enbrionarioko tumore mota bat da. Grekeratik datorren terminoa da eta tumore itxuragabea esan nahi du.

Teratomak bi motatakoak izan daitezke. Teratoma heldua onbera da eta heldugabea gaiztoa.

Teratoma helduak obulutegiko tumore zelulak dira eta ugaltze garaian dauden emakumeetan agertu ohi da. Tumorea kirurgikoki kenduz tratatzen da gaixoa.
Teratoma heldugabeak neska txiki eta emakume gazteetan agertzen dira, normalean 18 urtetik beherakoetan. Obulutegitik haratago zabaldu ez bada, kirurgiaren bidez konpontzen da arazoa. Obulutegitik kanpora zabaldu bada aldiz, tumorea kirurgikoki kentzeaz gain kimioterapia ere beharrezkoa izango da.

Ikus, gainera

Kanpo estekak

Datuak: Q133212
Multimedia: Tumors / Q133212

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.