Trinidad Taracena del Piñal

Trinidad Taracena del Piñal (Santander, 1926ko urriaren 26a – Ceuta, 2017ko uztailaren 24a)[1] arkeologoa, museoen kontserbadorea, izan zen.[2]

Trinidad Taracena del Piñal
Bizitza
Jaiotzako izen-deiturakTrinidad Taracena del Piñal
JaiotzaSantander, 1926ko urriaren 26a
Herrialdea Espainia
HeriotzaCeuta, 2017ko uztailaren 24a (90 urte)
Hezkuntza
Hizkuntzakgaztelania
Jarduerak
Jarduerakeduki-editorea
Enplegatzailea(k)Espainiako Arkeologia Museo Nazionala
KidetzaArtxibozain, Liburuzain eta Arkeologoen Kidego Fakultatiboa

Biografia

Trinidad Taracena del Piñal, bere neba-arreben artean aitaren, Blas Taracena Aguirre arkeologoaren urratsak jarraitu zituen bakarra izan zen. Lehen ikasketak Sorian egin zituen, non adibidez Leopoldo Torres Balbásen ikasle izan zen. Baina bere aita Museo Arkeologiko Nazionalaren zuzendari izendatu zutenean, Madrilera joan zen, eta hantxe amaitu behar izan zituen ikasketak.

Ibilbide profesionala

1951n Museo Arkeologiko Nazionalean sartu zen liburutegiaren arduradun gisa, eta 1953an Artxibozain, Liburuzain eta Arkeologoen Teknikarien Multzoan sartu zen. Museoan, materialei buruzko barne-txostenak egiteaz eta 1954ko Museoko Gida idazten laguntzeaz arduratu zen. Museoko sotoetan gordetako materialen lehen plano eta balantzeak egiten lehena izan zen.[2] Bere zeregin nagusia Siret bilduma antolatzea izan zen, Cerralbo bildumaren funtsez eta Juan Cabréren indusketez arduratzeaz gain.

1954ko urriaren 15ean, Toledoko Museo Arkeologikoaren zuzendaritza hartu zuen, harik eta, urtebete geroago, 1955eko urrian, eszedentzia eskatu eta bere postua utzi zuen arte, senarra, Jaime Antón-Pacheco García arkitektoa, Ceutara aldatu zutelako. 1973an, akats baten ondorioz, ez zen agertzen Artxibozain, Liburuzain eta Arkeologoen Kidegoko funtzionarioen zerrendan, baina 1976an berriz sartu zuten borondatezko eszedentzia egoeran.

Heriotza

Ceutan hil zen 2017an, 90 urte zituela.[3]

Ikus, gainera

Erreferentziak
  1. (Gaztelaniaz) «Trinidad Taracena del Piñal» ArqueologAs (Noiz kontsultatua: 2022-08-12).
  2. Maicas, Ruth. «Trinidad Taracena del Piñal» www.man.es.
  3. En 2017 dijimos adiós a... La crónica necrológica del año. 1 de enero de 2018.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.