Trichechus
Trichechus Sirenia ordenako trikekidoen familiako (Trichechidae) genero bakarra da, lau espezie baino ez dituena: manatiak. Uretako ugaztunak dira.
| Trichechus | |
|---|---|
_(7636816484).jpg.webp) | |
| Sailkapen zientifikoa | |
| Erreinua | Animalia |
| Filuma | Chordata |
| Klasea | Mammalia |
| Ordena | Sirenia |
| Familia | Trichechidae |
| Generoa | Trichechus Linnaeus, 1758 |
| Banaketa mapa | |
 | |
| Datu orokorrak | |
| Gizakiak ateratzen dizkion produktuak | manatee skin (en)  |
Herbiboro lasaiak dira, orduak eta orduak ematen dituztenak ibaietako eta itsasoetako ur azaletako landareak bilatzen eta jaten. Ur gezetan nahiz gazietan bizi dira, Amerikako eta Afrikako kosten inguruetan. Gizakia dute haien harrapakari bakarra; haragiagatik eta gantzagatik ehizatuak izan dira, baina gaur egun espezie babestuak dira.
Manati izena, Karibeko hizkuntzan, «ugaztun» esan nahi du.
Ezaugarriak
300-500 kg bitartekoak dira, eta 3-4,5 m luzeak izaten dira. Gorputza grisa da, eta tolestura arrosak dituzte. Dugongidoek ez bezala, isats zapal horizontala dute, espatula-formakoa, eta ez ilargierdi-formakoa.
Landare-espezie asko jaten dituzte. Jateko, goiko ezpaina erabiltzen dute, erdibitua baitago. Manati heldu batek 50 kg belar jan ditzake egunean. Antilletako manatiek arrantzaleen sareetan harrapatutako arrainak ere jaten dituzte.
2-5 urtez behin, emeak kume bakarra izaten du. 35 bat kg pisatu ohi du jaiotzean, eta 90-120 cm luze izaten da. Amaren mendekoa da erabat, eta gutxienez bi urte ematen ditu amaren ondoan. Amak bakarrik zaintzen du kumea. Lau urte behar dituzte helduarora iristeko, eta 80 urte bizi daitezke.
Espezieak
- Trichechus manatus - manati karibearra
- Trichechus senegalensis - manati afrikarra
- Trichechus inunguis - manati amazoiarra
- Trichechus bernhandi - manati nanoa
Kanpo estekak
- Mendiburu, Joana, Manatiak, ingurumenaren egoeraren adierazleak, mehatxupean, zientzia.eus