Triana (Sevilla)
Triana Espainiako Andaluzia autonomia erkidegoko hiriburu den Sevillako auzo bat eta hiri hau administratiboki banatuta dagoen hamaika barrutietako bat da. Hiriaren mendebaldean dago. Hegoaldean Los Remedios barrutiarekin, ekialdean Casco Antiguo eta Macarena barrutiekin, iparraldean Norte barrutiarekin eta Santiponce udalerriarekin, eta, mendebaldean, Camas, Tomares eta San Juan de Aznalfarache udalerriekin muga egiten du.
| Triana Districte municipal de Triana | |
|---|---|
city district (en)  | |
_-_48502181917.jpg.webp) | |
| Administrazioa | |
| Estatu burujabe |  Espainia |
| Autonomia |  Andaluzia |
| Probintzia | Sevillako probintzia |
| Udalerria | Sevilla |
| Jatorrizko izena | Districte municipal de Triana |
| Posta kodea | 41010 |
| Geografia | |
| Koordenatuak | 37°23′01″N 6°00′19″W |
 | |
 | |
| Azalera | 9.33 km² |
| Altuera | 7 m |
| Demografia | |
| Biztanleria | 49.784 (2017) 50.181 (2012) 46.926 (2023ko urtarrilaren 1a) Adierazpen errorea: Ustekabeko < eragileaAdierazpen errorea: Hitz ezezaguna "br" (2017) |
| Dentsitatea | 5.335,91 bizt/km² |
Trianak bere izena izen bereko ohiko auzoagatik jasotzen du, Guadalquivir ibaiaren ondoan dagoena, nukleo historikoaren beste ertzean, eta hiriko auzorik ezagunenetakotzat hartua dena, oso izaera bereizgarria izateagatik. Gaur egun, Sevillako Udalaren auzo banaketa ofizialaren arabera, barrutiak Triana Casco Antiguo, Barrio León, El Tardón-El Carmen, Triana Este eta Triana Oeste auzoak hartzen ditu.
Kokapena
Triana Guadalquivir ibaiaren eskuinaldeko ertzean eta antzinako hiriko hirigune historikoaren mendebaldean dago. Gaur egun hiriaren erdigunearekin ibaia zeharkatzen duen Isabel II.aren Zubiaren bidez (arruntuki "Trianako Zubia" bezala ezagutzen dena) lotua dago. Ibaiaren ertz berean eta Trianaren mugakide, Los Remedios auzoa dago.
Etimologia
Mitologiaren arabera, Astarte jainkosa, beraz maitemindua zegoen eta hiriaren sortzaile mitologikoa izan zen Herkulesengandik ihesi, Guadalquivir ibaiaren eskuin ertzera etorri zen babestera Triana sortuz.
Ikertzaileentzat bere izenaren jatorriak ere interesa piztu du. Ohi, Italican jaiotako erromatar enperadorea izan zen Trajanok sortutako erromatar kolonia bezala izan zuen iraganarekin lotu izan da, Trajana-Triana izenarekin. Egile batzuen arabera, izena zeltiberiar eta erromatarren arteko konpromisozko formula batetik letorke, Tri, latinez hiru esan nahi duena, eta Ana, zeltiberiarren artean ibaia esan nahi duena, inguru horretan ibaia hirutan banatzen baitzen. Hau da Justino Matute Gavirak bere Aparato para describir la historia de Triana y de su iglesia parroquial lanean defendatzen duena:
| « | beste batzuk bere izena Trans amnemetik datorrela diote, latindarrek ibaitik haratuago zegoena adierazteko erabiltzen zuten esaera... eta arabiarrek ere arrazoi honegatik beragatik Triana Ma wara an-nahr deitzen zuten, ibaitik haratuago dagoena esan nahi duena, arrunkiago Atrayana edo Athriana deitzen zuten arren. | » |
