Trafalgarko gudua

Trafalgarko gudua 1805eko urriaren 21ean Trafalgar lurmuturrean (Cadiz, Espainia) gertatutako itsas borroka izan zen, Napoleondar gerren barruan.

Trafalgarko gudua
Hirugarren Koalizioaren gerra - Napoleondar Gerrak
Trafalgarko kanpaina
Data	1805eko urriaren 21a
Koordenatuak	36°15′N 6°12′W
Emaitza	Britainiarren garaipen garrantzitsua
Gudulariak
Erresuma Batua Frantziako Lehen Inperioa  Espainia
Buruzagiak
Horatio Nelson †  Cuthbert Collingwood  Pierre-Charles Villeneuve (GP)  Federico Gravina (GP)
Indarra
33 itsasontzi (27 lehen lerroan, eta beste sei gehiago) 41 itsasontzi (Frantziak 18 lehen lerroan eta beste zortzi gehiago Espainiak 15 itsasontzi lehen lerroan)
Galerak
458 hildako 1.208 zauritu Guztira: 1.666 Frantzia 10 barku kapturatu, bat suntitua 2.218 hildako 1.155 zauritu 4.000 preso. Espainia: 11 itsasontzi kapturatu. 1.025 hildako 1.383 zauritu. 4.000 preso. Ondoren: 3.000 preso hil ziren itsasontzi bat ekaitza batek hondoratuta. Guztira: 13.781

Frantziar eta espainiar armadak baturik, Ingalaterraren armadaren aurka eraso zuten. Ingelesek irabazi zuten gudua. 3.500 pertsona inguru hil ziren borroka honetan, gehienak espainiar eta frantsesak. Hogeita zazpi gerraontzi britainiarrek, Nelson almirantea burua zutela, hogeita hamahiru frantziar eta espainiar gerraontzi garaitu zituzten, Pierre Villeneuve almirantea buru zutela. Frantziar-espainiarrek 22 ontzi galdu zituzten, britainiarrek bat ere galdu gabe.

Britainiarren nagusitasuna itsasoan, aurreko mendean zehar eskuratua, berretsi zuen garaipenak. Gainera, Nelsonek erabaki zuen ohiko estrategiatik aldentzea, eta, etsaien aurrean itsasontziak lerrokadura berean kokatu ordez (hala zeinuak errazago egiten ziren, zailagoa zen sakabanatzea eta jomuga garbiago zegoen), britainiarren itsasarmada txikiagoa bi lerrotan paratu zuen, etsaien ontziteriaren aurrean. Eta emaitzak ezinhobeak izan ziren.

Nelson borrokan hil zen, gerra heroi bihurtuta. Frantziar eta espainiar armada batuaren burua, Pierre de Villanueve atzeman zuten, Bucentaure ontziarekin batera. Federico Gravina espainiar almiranteak alde egin zuen ontziteriaren gerakinekin, eta hilabete batzuk geroago hil egin zen borrokako zauriak zirela eta.