Thomas Mann (aktorea)

Mann Portlanden, Oregon, jaio zen, baina Dallasen bizi izan da bi urte zituenetik. Molly izeneko arreba gazteago bat dauka. Haurra zenean bere eskolako antzerki obretan parte hartu zuen. Gaur egun oso harreman onak mantentzen ditu Project Xeko lankideekin.

2009.urtean, Mannek hasiera eman zion bere aktore ibilbideari Nickelodeon kanalak emitituriko iCarly deituriko programa batean. 2010eko urrian, Mannek lehen aldiz pelikula batean hartu zuen parte. Hau It's Kind of a Funny Story deituriko komedia-dramazko pelikula zen eta bertan Emma Roberts eta Zach Galifianakisekin egin zuen lan. Urte berean, Mann aukeratu zuten Project X komediazko pelikulako protagonista gisa. Filmaketa urte bereko ekainean hasi zen Los Angelesen, Kalifornia, 12 milioi dolarretako aurrekontuarekin. Nahiz eta pelikulak kritika negatiboak jaso kritikoen eskutik, hau oso arrakastatsua izan zen eta mundu mailan 100 milioi dolar baino gehiago bildu zituen. 2011ko apirilean Thomas Mann Paramount Picturesek produzituko zuen Fun Size pelikulako protagonista gisa baieztatu zuten.