Thomas Cech

Thomas Robert Cech (Chicago, Ameriketako Estatu Batuak, 1947ko abenduaren 8a) zientzialaria da. Kalifornian egin zituen kimikako ikasketak, Berkeleyko Unibertsitatean, eta bertan lortu zuen doktoregoa, 1975. urtean. Massachusettsko Teknologia Institutuko biologia-sailean zenbait ikerketa egin zituen, eta geroago, Coloradoko Unibertsitatean sartu zen. Cechen ikerketa nagusiak azido erribonukleikoaren ezaugarri kimikoei buruzkoak izan dira. Horrela, 1980ko hamarraldiaren hasieran RNA mota berri bat aurkitu zuen, zelularen baitan erreakzio kimikoak kataliza zitzakeena RNA bera xahutu gabe. Aurkikuntza hori oso garrantzitsua izan zen bizitza nola hasi zen asmatzeko. Hain zuzen ere, Cechek eta Zaugek elkarrekin egindako hainbat ikerketari esker erantzun ahal izan zitzaion bizitzaren sorrerari buruzko ondoko galdera honi: entzimak ala DNA eta RNA, bietatik zer sortzen da lehenik? DNA eta RNA agertuko balira lehenik, ez litzateke izango katalizatzailerik beren kontrolpean gertatzen den proteina osaeran. Aldiz, proteinak agertuko balira lehenik, zaila da ulertzea nola bihurtzen diren DNA eta RNA proteinen osaera-prozesuaren gidari. Cech eta Zaugen aurkikuntzen arabera, eta bi haiek Sidney Altmanekin egindako lanen arabera, Lurrean bizitza sortu zenean RNAz osatuak ziren molekula konplexu gehienak, eta haiek zuten beren baitan gorderik informazio genetikoa eta haiek katalizatzen zituzten erreakzio biokimikoak. 1989. urtean Kimikako Nobel Saria eskuratu zuen Cechek, Sidney Altmanekin batera, azido erribonukleikoaren ezaugarri katalitikoei buruz egindako aurkikuntzengatik.

Thomas Cech
Irudi gehiago
Bizitza
Jaiotza	Chicago, 1947ko abenduaren 8a (76 urte)
Herrialdea	Ameriketako Estatu Batuak
Hezkuntza
Heziketa	Kaliforniako Unibertsitatea Berkeleyn Grinnell College (en) Iowa City High School (en)
Hezkuntza-maila	Doktoretza
Hizkuntzak	ingelesa
Jarduerak
Jarduerak	biokimikaria, kimikaria, unibertsitateko irakaslea eta akademikoa
Enplegatzailea(k)	University of Colorado (en) Coloradoko Unibertsitatea Boulderren
Jasotako sariak	ikusi John Simon Guggenheim Memorial Foundation beka  (1985) Albert Lasker Award for Basic Medical Research  (1988) Kimikako Nobel Saria  (1989) Canada Gairdner International Award  (1988) Pfizer Award in Enzyme Chemistry  (1985) Zientzia Domina Nazionala  (1995) Louisa Gross Horwitz Prize  (1988) Dr H.P. Heineken Prize for Biochemistry and Biophysics  (1988) Rosenstiel Award  (1988) NAS Award in Molecular Biology  (1987) Fellow of the AACR Academy  (2016) honorary doctor of Harvard University  (2010) Othmer Gold Medal  (2007) Newcomb Cleveland Prize  (1986) Distinguished Eagle Scout Award
Kidetza	Ameriketako Estatu Batuetako Zientzien Akademia Nazionala Arteen eta Zientzien Ameriketako Estatu Batuetako Akademia European Molecular Biology Organization (en) Academia Europaea (en)
experts.colorado.edu…