Thomas Ashe

Thomas Ashe (irlanderaz: Tomás Pádraig Ághas; 1885eko urtarrilaren 12a, Lispole, Kerry konderria – 1917ko irailaren 25a, Dublin) irlandar nazionalista bat izan zen. Liga Gaelikoa eta Irlandar Anaitasun Errepublikarra erakundeetako kide izan zen, azken horretan John Devoy, Roger Casement eta Joe Mac Garrity irlandar errepublikarren adiskide egin zelarik. Irlandar Boluntarioak erakundeetako kide sortaileetako bat ere izan zen.

Thomas Ashe
Irudi gehiago
Bizitza
Jaiotza	Lispole, 1885eko urtarrilaren 12a
Herrialdea	Irlandako Errepublika  Britainia Handia eta Irlandako Erresuma Batua
Heriotza	Dublin, 1917ko irailaren 25a (32 urte)
Hobiratze lekua	Glasnevin hilerria
Familia
Anai-arrebak	ikusi Nora Ashe (en)
Hezkuntza
Heziketa	De La Salle College Waterford (en)
Jarduerak
Jarduerak	politikaria
Kidetza	Irlandar Anaitasun Errepublikarra

1916ko Pazko matxinadan Irlandar Boluntarioen Dublingo V. Brigada zuzendu eta Meath konderriko Ashbourn udalerrian Irlandako Errege Poliziari aurre egin zion, bertan zortzi pertsona hil eta 5 zauritu zirelarik, azkenean Patrick Pearsen aginduz errenditu zelarik. Éamon de Valerarekin batera heriotza zigorra jaso zuen matxinada hartako buruzagietako bat izan zen, baina azken unean heriotza zigorra bizi guztirako espetxeaz ordezkatu zioten, Ingalaterrako Lewes espetxean preso sartu zutelarik.

1917an aske laga zuten, baina hitzaldi independentistak emateagatik berriz ere atxilotua izan zen. Oraingoan Dublingo Mountjoy espetxean preso sartu zuten, bertan preso politiko estatusa eskatzeko hil arterako gose-greba burutu zuelarik.

Bitxikeria gisa, Thomas Ashe eta Gregory Peck aktorearen amaren aldeko Catherine Ashe amona senideak ziren, XIX. mendean Catherine Ashe AEBtara emigratu zuelarik.