Thieboudienne

Thieboudienne (euskaraz ahoskatuta: ttebu jen), Senegalgo plater tradizionalaren ikur nagusia da,[1] arroza (ceeb) eta arraina (jën) oinarritzat hartzen dituena.[2]

Thieboudienne
arrain plater
Osagaiakarroza, arraina eta tomate saltsa
Historia
JatorriaSenegal

Izena

Jatorrizko izena woloferaz: ceebu jën da, frantsesez: thiéboudienne, thiéboudiène, thiébou dieune bezala transkribatu izan dena.[2]

Osagaiak eta prestaketa

Thieboudiennea been cin motako platera da, alegia: osagai guztiak marmita berean ezarriz prestatzen den horietakoa.[1]

Erabiltzen den arraina meroa, urraburua, lupia, lutxoa, legatza... izan daiteke.[3] Arroza eta tomateaz gain, osagaiak etxetik etxera alda daitezke: tipula, azenarioa, aza, manioka, kakahuete olioa, perrexila, berakatza, piperra, espeziak...[2]

Alde batetik, arraina garbitu eta barazkiekin betetzen da (perrexila, tipula, berakatza, piperra, espeziak...); oliotan minutu gutxi batzutan sueztitu eta gero, aparte gordetzen da. Olio horretan gainontzeko barazkiak jartzen dira, urarekin; egosi direnean, barazkiak ateratzen dira arrainarekin batera jarriz. Bitartean, urarekin arroza egosten da; azken minutuetan barazkiak eta arraina lapikoan sartzen dira, azken egostaldia emanaz.[3]

Jatorria eta hedapena

Senegaldarren arabera, plater hau Penda Mbaye sukaldariak asmatu zuen XIX mendean, Ndar edo Saint-Louis hirian (artean Mendebaldeko Afrika Frantseseko hiriburu zena).[3] Inguruko herrialdeetan ere ezaguna da, adibidez Malin (zamé) edo Mauritania eta Gambia (benechin).[1]

EEBB-etako Savannah red rice izeneko platerak thieboudienne-aren itxura handia du; hori dela eta, kreoleek afrikarrengandik hartutako errezeta dela uste da.[4][5]

Galeria
  • Erabil daitezkeen espezietako batzuk.
    Erabil daitezkeen espezietako batzuk.
  • Erabil daitezkeen barazkiak eta espeziak.
    Erabil daitezkeen barazkiak eta espeziak.
  • Arrain desberdinak erabil daitezke.
    Arrain desberdinak erabil daitezke.
  • Arrozaren prestaketa.
    Arrozaren prestaketa.
  • Jateko prest.
    Jateko prest.

Erreferentziak
  1. Les mots du patrimoine : le Sénégal. Éditions de archives contemporaines 2006 ISBN 2914610335. PMC 71887592. (Noiz kontsultatua: 2018-09-12).
  2. Troth Wells. (2007). The World of Street Food: Easy Quick Meals to Cook at Home. New Internationalist, 28 or. ISBN 978-1-904456-50-6..
  3. Benayoun, Mike. «Sénégal : Thiéboudienne» https://www.196flavors.com/ (Noiz kontsultatua: 2018ko irailaren 12a).
  4. Jessica B. Harris. (2011). High on the Hog: A Culinary Journey from Africa to America. Bloomsbury USA, 71- or. ISBN 978-1-59691-395-0..
  5. Grass roots: African origins of an American art. Museum for African Art, 123,125 or. ISBN 978-0-945802-50-1..

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.