The Wolfe Tones

The Wolfe Tones‎
	The Wolfe Tones taldeko kideak ezkerretik eskuinera: Brian Warfield, Noel Nagle eta Tommy Byrne.
Datuak
Jatorria	Inchicore, Dublin, Irlandako Errepublika
Musika mota	Irlandar Folka, Irlandar abesti abertzaleak
Urteak	1963 - gaur egun arte
Produkzioa
Diskoetxea(k)	Shanachie Records
Taldekideak
	Derek Warfield; Brian Warfield; Noel Nagle; Tommy Byrne; Bob Thomas
Informazio gehigarria
	The Wolfe Tones taldearen webgune ofiziala

The Wolfe Tones Irlandako musika errebelde edo abertzalean sakonki errotutako taldea da. Beren izena 1798ko Irlandako matxinadaren buru nagusia izan zen Theobald Wolfe Tone irlandar abertzalearen deituratik hartu zuten, halere esanahi bakoitza ere badu, irlandar musika giroan wolfe tone bat biolinen saileko musikatresnei eragin diezaioketen soinu faltsua baita.

Eraketa eta lehendabiziko urteak

Taldearen jatorria 1963ra atzeratu daiteke, Dublingo auzogunea den Inchicore auzoko hiru haurrek, Brian eta Derek Warfield anaiak eta Noel Nagle, beren dirutxoa lortzeko asmoz batera jotzea erabaki zutenean. Honek hiru lagunak Irlanda guztiko fleadhs (festak) eta musika jaialdietara aurkezteko aukera eman zielarik.

Brian Warfieldek 2004ko DVDean oroitarazten duenez Ameriketan 14 urtez bizi izan ziren, bertan astero eta hilabetero etengabeko musika emanaldiak ematen zituztelarik.

"Jauzia"

1989 urte aldera Derek Warfieldek Amerikar ekoiztetxe batekin kontratua sinatu zuen. Kontratu honen ondorioz taldeko gainontzeko kideak itxuraz behintzat beren ordezkapen eta iritzia erabiltzeko aukerarik gabe utzi zituen. Kontratua atzera botatzeko gaitasunik gabe, materiale berria sortzeko betarik gabe birak emateari jarraitu behar izan zuten.

1995an Derek Warfieldek oraindik bere izenpean grabatzeko aukera zuelarik "Legacy" estudioko diska kaleratu zuen. Derekek abestu eta mandolina jotzen zuelarik, bilduma hau talde berri bateko moldaketa bat izan zen, halere Derek The Wolfe Tones taldearekin biran jarraitu zuen. Dereken bakarkako lanek bi urtez jarraitu zuten.

Orduan 2001an Limericken jotako giga baten ondoren, Derekek oraindik gaur egun ezezagunak diren arrazoiengatik taldea laga zuen. Brian, Noel eta Tommyk beranguago "You'll Never Beat the Irish" ("Irlandarrak Ez Dituzue Inoiz Garaituko") diska argitaratu zuten, honekin kritikarien goraipamen orokorra lortu eta 6 hilabete ostean platinozko 3 diska bereganatu zituztelarik.

Gaur egun

The Wolfe Tones taldeak euren 45. urteurrena 2008ko urtarrilaren 26ko Igande batez Belfasteko Waterfront Hall antzokian emandako musika emanaldi berezi batekin ospatu zuten.

Musika lan nabarmenak

Brian Warfieldek Celtic Football Club taldeko 100. urteurrena ospatzeko "Celtic Symphony" abesti ospetsua idatzi zuen. Hainbat eta hainbat musika taldeek abesti honen bertsio ezberdinak jo izan dituzte. Talde honetako beste abesti ezaguna Joe McDonnell da, 1981ko Gose Greban hil zen bosgarren presoa eta IRA kideari buruzko abestia da.

"A Nation Once Again" irlandar abesti ospetsuaren beren berkaleratzea BBC World Servicen garai guztiko abesti aipagarrinatzat aukeratu zuten.

Diskografia

2006 As Gaeilge
2005 Profile
2005 You'll Never Beat the Irish
2005 We Must Carry On
1993 Sing Out For Ireland
1993 Irish to the Core
1993 Across the Broad Atlantic
1993 Belt of the Celts
1991 Profile
1991 Rifles of the IRA (jatorrizko LPtik)
1987 A Sense of Freedom
1986 Alive Alive-Oh
1964 Spirit of the Nation
1963 Let the People Sing

Kutxa/Bilduma

2000 The Wolfe Tones Greatest Hits
1963 25th Anniversary

Kanpo estekak

Datuak: Q976122

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.