The Haunted Palace
The Haunted Palace (euskaraz Jauregi Sorgindua) 1963ko Roger Corman estatubatuar zinema zuzendari eta ekoizleak zuzendu eta ekoitzitako beldurrezko film bat da. 1927ko H. P. Lovecraft idazleraren The Case of Charles Dexter Ward (Charles Dexter Warden Kasua) eleberrian eta 1839ko Edgar Allan Poe idazlearen The Haunted Palace olerkian oinarritua dago. Vincent Price, Debra Paget eta Lon Chaney Jr. aktoreek antzeztu zuten.
| The Haunted Palace | |
|---|---|
| Jatorria | |
| Argitaratze-data | 1963 |
| Izenburua | The Haunted Palace |
| Jatorrizko hizkuntza | ingelesa |
| Jatorrizko herrialdea | Ameriketako Estatu Batuak |
| Banatze bidea | eskatu ahalako bideo |
| Ezaugarriak | |
| Genero artistikoa | beldurrezko zinema |
| Iraupena | 87 minutu |
| Kolorea | koloretakoa |
| Zuzendaritza eta gidoia | |
| Zuzendaria(k) | Roger Corman |
| Gidoigilea(k) | Charles Beaumont (en)  Francis Ford Coppola |
| Antzezlea(k) | |
Vincent Price Debra Paget Lon Chaney Jr. Elisha Cook Jr. Bruno VeSota John Dierkes Leo Gordon Guy Wilkerson Milton Parsons I. Stanford Jolley | |
| Ekoizpena | |
| Ekoizlea | Roger Corman Samuel Z. Arkoff James H. Nicholson |
| Konpainia ekoizlea | American International Pictures (en) |
| Edizioa | Ronald Sinclair |
| Ekoizpen-diseinatzailea | Daniel Haller (en) |
| Bestelako lanak | |
| Musikagilea | Ronald Stein (en) |
| Argazki-zuzendaria | Floyd Crosby (en) |
| Fikzioa | |
| Kontakizunaren tokia | Massachusetts |
| Argumentu nagusia | Naturaz gaindiko fenomenoa |
        | |
1960-1964 artean Roger Cormanek Poeren idazlanetan oinarritutako zortzi filmez osatutako sailaren barnean dago, dena den, film hau gainintzekoak ez bezala nagusiki H. P. Lovecraften eleberrian oinarritua dago, horren erakusle, filma Lovecraften idazlan ugariren kokalekua den fikziozko Arkham udalerrian girotua egotea.
Argumentua
1875. urtea, Ingalaterra Berria, Arkham udalerria. Charles Dexter Ward (Vincent Price) eta Ann (Debra Paget) senar-emazteak herriko landa eremuan dagoen eta ondorengotzan jasotako jauretxe batera iritsi berri dira. Iraganean, 1765ean, jauretxea Charlesen birraitona Joseph Curwen zenaren jabetzakoa zen, Deabruaren jarraitzailea, aztia eta erritu satanikoak burutzearen zalea, behinola Arkhango herritarrak madarikatzeagatik sutan hila. Herritar guztiak Charlesen aurka agertzen dira, herrian dauden hainbat biztanleen deformazio fisikoen arduradun bere birraitona eta bera egiten baidute, haren ondorengoa baita. Izan ere, Charlesen ailegatzeak haren birraitonaren espirituak bere gorputzaz jabetu eta horrak berriz ere duela 110 urte berau hil zuten herritarren ondorengoen aurka egin eta mendekatzeko aukera emango dio.
Aktoreak
- Vincent Price: Joseph Curwen / Charles Dexter Ward
- Debra Paget: Anne Ward
- Cathie Merchant: Hester Tillinghast
- Frank Maxwell: Priam Willet / Marinus Willet doktorea
- Lon Chaney Jr.: Simon Orne
- Milton Parsons: Jabez Hutchinson
- Elisha Cook, Jr.: Micah Smith / Peter Smith
- John Dierkes: Benjamin West / Jacob West
- Leo Gordon: Ezra Weeden / Edgar Weeden
- Barboura Morris: Edgar Weedenen emaztea
- Guy Wilkerson: Gideon Leach / Leach jauna
- Bruno VeSota: Bruno
Beste egokitzapenak
Rogern Corman zuzendariak burututako Edgar Allan Poe idazlearen gainontzeko egokitzapenak:
- House of Usher (1960)
- Pit and the Pendulum (1961)
- The Premature Burial (1962)
- Tales of Terror (1962)
- The Raven (1963)
- The Masque of the Red Death (1964)
- The Tomb of Ligeia (1964)
