Thanom Kittikachorn

Thanom Kittikachorn (Tak, 1911ko abuztuaren 11 – Bangkok, 2004ko ekainaren 16a) Thailandiar militarra eta politikaria izan zen. Bi aldiz lehen ministro izandakoa (1958an, eta 1963-1973 bitartean).

Thanom Kittikachorn
Irudi gehiago
10. Thailandiako lehen ministro 1963ko abenduaren 9a - 1973ko urriaren 14a ← Sarit Thanarat - Sanya Dharmasakti (en) → Thailandiako lehen ministro 1963ko abenduaren 9a - 1963ko urriaren 14a ← Sarit Thanarat - Sanya Dharmasakti (en) → Thailandiako lehen ministro 1958ko urtarrilaren 1a - 1958ko urriaren 20a ← Phot Sarasin (en) - Sarit Thanarat →
Bizitza
Jaiotza	Tak (en) , 1911ko abuztuaren 11
Herrialdea	Thailandia
Heriotza	Bangkok, 2004ko ekainaren 16a (92 urte)
Heriotza modua	berezko heriotza: miokardio infartu akutua istripu zerebrobaskularra
Familia
Ezkontidea(k)	Jongkol Thanad-rob (en)
Hezkuntza
Heziketa	Missouri Military Academy (en)
Jarduerak
Jarduerak	politikaria eta Funtzionarioa
Jasotako sariak	ikusi Order of the Nine Gems Order of Chula Chom Klao Order of the White Elephant Order of the Crown of Thailand Order of Rama Commander of the Legion of Merit Grand Cross of the Order of the Dannebrog Grand Cross of the Military Order of Christ Grand Cross 1st class of the Order of Merit of the Federal Republic of Germany Meritu Zibileko Ordenaren Gurutze Handia Grand Cross of the Order of the Oak Crown Royal Order of the Sword Order of St. Sylvester Knight Grand Cross of the Order of Merit of the Italian Republic Grand Cross of the Order of Orange-Nassau Grand Cordon of the Order of Leopold Order of the Liberator General San Martín Star of the Republic of Indonesia Order of Sikatuna Order of the Million Elephants and the White Parasol Order of Propitious Clouds
Zerbitzu militarra
Adar militarra	Royal Thai Army (en)
Gradua	jeneral
Parte hartutako gatazkak	Vietnamgo Gerra
Sinesmenak eta ideologia
Erlijioa	budismoa

Hogei urterekin Bangkokeko Errege Akademia Militarrean sartu zen; han Sarit Thanarat ezagutu zuen. 1951n jeneral kargua lortu zuen, eta 1957an, Thailandiako armadaren teniente jeneral gisa, Luang Songgram kargutik kentzeko saioan parte hartu zuen, Sarit Thanaratek gidaturiko estatu-kolpean. 1958ko urriko koalizio-gobernuan lehen ministro izendatu zuten, baina urte horretan bertan, beste kolpe militar baten ondorioz, hura ere Sariten gidaritzapean, kargua galdu zuen. Hurrengo gobernuan, lehen ministrorde eta Defentsa ministro izendatu zuten. Sarit hil zenean, 1963ko abenduan, lehen ministro kargua eskuratu zuen berriro. Iparraldeko gerrilla komunistaren ekintza armatuei aurre egitea izan zuen zeregin nagusietako bat orduan. Estatu Batuek Indotxinan zeramaten politikarekin ados egonik, estatubatuarrei Thailandiako hegazkin-baseak erabiltzen utzi zien, eta, gainera, soldaduak bidali zituen Vietnamera eta Laosera. Barne-politikan, 1958an etendako eskubide politikoak berrezartzen ahalegindu zen, eta demokrazia parlamentarioa lehengoratzea agindu zuen. 1967ko abenduan, lehenengo udal-hauteskundeak deitu ziren, eta 1968ko ekainean Thailandiako zortzigarren konstituzioa onartu zen. 1969an, Parlamenturako hauteskundeetan, Thailandiako Herriaren Alderdi Batuak, Thanomen gidaritzapean, gehiengoa lortu zuen. Thanomek lehen ministro eta Defentsa ministro karguei eustea lortu zuen horrela. Estatu Batuek Asiako hego-ekialdean zeramaten politikaren aldaketak, iparraldeko gerrillaren ekintzek, eta Thailandiako ekonomiaren ahuleziak behartuta, Thanomek gobernua eta Parlamentua desegin zituen, konstituzioa baliogabetu zuen, eta gobernu militar berria eratu zuen. 1972ko abenduan, beste konstituzio bat onartu zen. Thanomek lehen ministro eta Kanpo Arazoetako ministro karguak eskuratu zituen, baina gobernuaren aurkako ikasleen protestak zirela-eta, 1973ko urrian, zibilez osatutako gobernu bat eratu zen, eta Thanom, karguak utzita, Singapurrera joan zen ihes. 1976an itzuli zen, isilpean, herrialdera, eta hura jakin zenean, borroka odoltsuak gertatu ziren bere jarraitzaileen eta ezkerreko ikasleen artean, Bangkoken. Urrian, militarrek, Sangad Chaloryuren gidaritzapean, kontrolpean hartu zuten herrialdea. Hurrengo gobernuan, militarra hura ere, Thanomek ez zuen esku hartu.

2004ko ekainean hil zen Bangkokeko Ospitalean. Haren mediku-gastuak Bhumibol Adulyadej erregeak ordaindu zituen. 2007an erraustu zuten eta Sirikit erregina izan zen errauste-ekitaldiaren buru.