Teresa Berganza

Teresa Berganza Vargas (Madril, 1933ko martxoaren 16a - San Lorenzo de El Escorial, 2022ko maiatzaren 13a) espainiar mezzo-sopranoa izan zen. Kantua eta pianoa ikasi zituen Madrilgo Kontserbatorioan. 1957an, Dorabellaren papera eskaini zioten Mozarten Così fan tutte operan, Aix-en-Provencen. Hurrengo urtean, interpretazio bikainak egin zituen mundu zabaleko hainbat lekutan. Besteak beste, Isolier izan zen Rossiniren Comte Ory operan, Milango La Scala antzokian; Cherubino, Mozarten Figaroren ezteiak operan, Britainia Handian; eta Isabella, Rossiniren L´italiana in Algeri operan, Estatu Batuetan. 1960an, Rosinaren papera egin zuen Rossiniren Il barbiere di Siviglia operan, Londresko Covent Gardenen, eta 1967an, lehen aldiz abestu zuen New Yorkeko Metropolitan Opera Housen. Estilista bikaina izan zen, eta maisutasun handiz abesten zituen bereziki kanta espainiarrak eta Rossiniren operak.

Teresa Berganza
Irudi gehiago
Bizitza
Jaiotzako izen-deiturak	María Teresa Berganza Mariana
Jaiotza	Madril, 1933ko martxoaren 16a
Herrialdea	Espainia
Heriotza	San Lorenzo de El Escorial, 2022ko maiatzaren 13a (89 urte)
Familia
Ezkontidea(k)	Félix Lavilla Munarritz  (1957 -  1977)
Hezkuntza
Heziketa	Madrilgo Goi Mailako Errege-Musika Kontserbatorioa
Hizkuntzak	gaztelania
Jarduerak
Jarduerak	opera abeslaria, aktorea eta unibertsitateko irakaslea
Jasotako sariak	ikusi Arteetako Asturiasko Printzesa saria  (1991) Madrilgo Complutense Unibertsitateko honoris causa doktoregoa  (2003) Arte Ederretako Merituaren Urrezko Domina  (1982) Gold Medal of the Círculo de Bellas Artes  (2018) Alfontso X.a Jakitunaren Ordenako Gurutze Handia  (2013) Madrilgo urrezko domina  (1998) honorary doctorate of the University of Alcala  (2015) International Opera Award
Kidetza	San Fernandoko Arte Ederren Errege Akademia Academia de las Artes Escénicas de España
Genero artistikoa	opera
Ahots mota	mezzosopranoa
Musika instrumentua	ahotsa pianoa
teresaberganza.com