Tengu

Tengu (japonieraz: 天狗, teŋgɯ ahoskatua; euskaraz: «zerutar txakur») Japoniako erlijio folkloreko izaki mota bat da. Kami (Jainko sintoista) edo yōkai (naturaz gaindiko izaki) motatzat hartzen dute. Nahiz txinatar txakur-deabru (tiangou) baten izena izan, tenguen jatorrizko forma hegazti harrapari batena zen, giza eta hegazti ezaugarriekin irudikatzen zirenak. Tenguen irudikapen zaharrenetan mokoa zuten, gero sudur oso luze bihurtu zena eta, gaur egun, herri-iruditerian tengen ezaugarri adierazgarria dena.[1]

Kyosai Tengu

Budismoak gerraren deabru aztoratzaile eta heraldotzat irudikatzen zituen tengu. Bere irudia pixkanaka leunduz joan zen, eta mendi eta basoen espiritu babesle, baina baita arriskutsu, bihurtu zen. Tengu horiek shugendō izeneko praktika aszetikoarekin lotu izan dira, eta normalean beren jarraitzaileen (yamabushi) janzkera adierazgarriekin irudikatzen dira.

Erreferentziak
  1. Moriarty p. 109. Japanese language blog post on tengu and Sarutahiko.

Kanpo estekak
Erlijio Artikulu hau erlijioari buruzko zirriborroa da. Wikipedia lagun dezakezu edukia osatuz.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.