Tella

Tella Tella-Sin udalerriaren burua da, Sobrarbe lurraldean, Huescako probintzian, Aragoian (Espainian). Bielsa haranaren gaineko gailur batean kokatuta, Ordesa eta Perdidoko Parke Nazionalatik gertu dago. Sorginen tradizio handia du. Tella Bielsatik 24 kilometrotara dago.

Tella
gune populatua
Administrazioa
Estatu burujabe Espainia
Autonomia Aragoi
Probintzia Huescako probintzia
UdalerriaTella-Sin
Geografia
Koordenatuak42°34′28″N 0°10′59″E
Map
Demografia

Demografia

Gizakiaren presentzia aurrehistoriatik dator; horrela adierazten dute inguruan aurki diren aztarnak. XV. mendean 22 su zituen baina XX mendean biztanleria asko jaitsi da. 1992an 12 biztanle zituen. 2008an 21 zituen zentsuaren arabera.

Monumentuak
  • Trikuharri megalitikoa, Pirinioetako onenetariko bat.
  • San Martin eliza, XVI. mendekoa.
  • San Joan eta San Pablo baseliza, XI. mendekoa.[1]
  • Virgen de la Peña baseliza, XIII. mendekoa.
  • Virgen de Fajanillas baseliza, XVI. mendekoa.

Sorginak

Sobrarbe lurraldearen tradizioan Tellan sorginen presentzia ohikoa izan da. Toponimian ere sorginak oso presente daude. Herrian ere badago sorginei eskainitako dantza berezi bat, Danza d’as Bruxas. Hori gutxi izango balitz, gaur egun herrian sorgineei eskainitako etxe-museoa dago, Casa de la Bruja museoa (Sorginaren Etxearen museoa) alegia.[2]

Iruditegia
  • Tellako trikuharria.
    Tellako trikuharria.
  • Herriko etxeak.
    Herriko etxeak.
  • San Joan eta San Pablo baseliza.
    San Joan eta San Pablo baseliza.
  • San Martin eliza.
    San Martin eliza.

Erreferentziak
  1. Historia de Aragón, La Esfera de los Libros, Madril, 2008, 219 or. ISBN 978-84-9734-722-8.
  2. https://www.huescalamagia.es/blog/la-espectacular-ruta-de-las-ermitas-de-tella-el-pueblo-de-las-brujas/

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.