Talat Pasha

Talat Pasha (otomandar turkiera zaharrean: طلعت پاشا, batzuetan Tala'at Pasha edo Talaat Pasha transkribatua), jaiotze izena Mehmed Talaat (otomandar turkiera zaharrean: محمد طلعت, turkieraz: Mehmed Talât edo Mehmet Talat) (Kırcaali, 1874ko irailaren 1a - Berlin, 1921eko martxoaren 15a ) Otomandar Inperioko politikaria izan zen. Turkiar gazteak erakundearen buruzagia izan zen, eta Otomandar Inperioko Bisir Handia 1917-1918 bitartean.

Talat Pasha
Irudi gehiago
Otomandar Inperioko bisir handia 1917ko otsailaren 4a - 1918ko urriaren 14a ← Said Halim Pasha (en) - Ahmad Izzat Furgach (en) → Ministry of the Interior of the Ottoman Empire (en) 1913ko urtarrilaren 23a - 1917ko otsailaren 4a ← Hacı Adil Arda (en) - Mustafa Arif Deymer (en) →
Bizitza
Jaiotza	Kardzhali (en) , 1874ko irailaren 1a
Herrialdea	Otomandar Inperioa
Heriotza	Berlin, 1921eko martxoaren 15a (46 urte)
Hobiratze lekua	Monument of Liberty, Istanbul (en)
Heriotza modua	giza hilketa: Assassination of Talat Pasha (en)
Hiltzailea	Soghomon Tehlirian (en)
Hezkuntza
Hizkuntzak	Otomandar turkiera frantsesa Erdi Aroko greziera
Jarduerak
Jarduerak	politikaria
Parte-hartzailea 1913 Ottoman coup d'état (en)
Jasotako sariak	ikusi Grand Cross of the Order of the Cross of Liberty  (1918ko abuztuaren 16a)
Sinesmenak eta ideologia
Erlijioa	islama
Alderdi politikoa	Committee of Union and Progress (en)

Turkiar gazteak erakundean jardun zuen gaztetandik, eta 1893-1895 bitartean kartzelan egon ondoren, goi-mailako karguak bete zituen Turkiako telegrafo-konpainian, 1908an kaleratu zuten arte. Turkiar gazteen matxinadaren ondoren (1908), diputatu hautatu zuten Edirnen, eta 1909an Barne Arazoetarako ministro izendatu zuten, eta Postarako ministro egin zuten ondoren. Lehen Mundu Gerra hasi aurretik, aliatuen aldeko jarrera garbia erakutsi zuen baina, Enver Pasha gerra-ministroaren eraginez, alemaniarren alde jarri zen gerra hasitakoan. Barne-arazoez arduratu zen 1914tik aurrera, eta armeniarren deportazioa eta gupidagabeko genozidioa bideratu zituen (600.000 armeniarretik gora hil ziren neurri haien ondorioz). Inperio Otomaneko Bisir Handi izendatu zuten 1917an, eta Alemaniara ihes egin zuen 1918ko urrian, gerra amaitu baino lehenago, turkiar gobernuko beste goi-agintari batzuekin. Hiru urte geroago, atentatu batean hil zuten Berlinen armeniar batzuek.