Tak Wah Mak

Tak Wah Mak, (txinera tradizionalez: 麥德華; Txina, 1946ko urriaren 4a) kanadar biologoa da. Hamabi urte zituela Hong Kongera aldatu zen familiarekin batera; aita negozio gizona zuen eta familia nahiko aberatsa zen. Wisconsingo Unibertsitatean eta Albertako Unibertsitatean egin zituen ikasketak; Albertan eskuratu zuen doktoregoa. 1970eko hamarraldian ikerketak egiten hasi zen Ontarioko Minbiziaren Institutuan, eta gaur egun Torontoko Unibertsitateko Immunologia katedraduna da, eta Torontoko Amgen Ikerketa Institutuko zuzendaria, besteak beste. Immunologiaren eta biologia molekularraren alorretan egin ditu lan aipagarrienak. Azken hamarraldian, eta ingeniaritza genetikoko teknikak erabiliz, Tak Makek eta bere ikerketa taldeak aurrerapen handiak egin dituzte gizakiaren immunologia sistemaren egitura eta funtzioak argitze aldera. Makek gizakiaren immunologia sistemako zelulen eta molekulen egitura eta funtzioak ikertu ditu, esan bezala, eta gorputzak eritasunaren aurrean nola jokatzen duen aztertu du. Gizakiaren immunitate sistemak behar bezala funtzionatzen ez duenean eritasun auto-immune batzuk sendatzeko modua ere ikertu du, adibidez diabetesa, esklerosi anizkuna, etab. 1983. urtean T-zelula hartzailearen genea aurkitu zuen, eta garrantzi handiko urratsa egin zuen horrela gizakiaren immunologia sistemaren alorrean.

Tak Wah Mak
Bizitza
Jaiotza	Guangzhou, 1946ko urriaren 4a (77 urte)
Herrialdea	Kanada
Bizilekua	Toronto
Hezkuntza
Heziketa	Wisconsingo Unibertsitatea Madisonen 1969) Master of Science (en) Albertako Unibertsitatea (1970eko ekainaren 1a - 1972ko ekainaren 1a) Doktoretza
Doktorego ikaslea(k)	David Siderovski (en)
Hizkuntzak	ingelesa
Jarduerak
Jarduerak	unibertsitateko irakaslea, biokimikaria, onkologoa eta ikertzailea
Enplegatzailea(k)	Torontoko Unibertsitatea Princess Margaret Cancer Centre (en)  (1972ko ekainaren 1a -
Jasotako sariak	ikusi Royal Societyko kidea Member of the Order of Canada Canada Gairdner International Award  (1989) King Faisal International Prize in Medicine  (1995) Emil-von-Behring-Prize  (1988) Alfred P. Sloan, Jr. Prize  (1996) Order of Ontario  (2008) Canadian Medical Hall of Fame  (2009) Robert L. Noble Prize  (1996) Novartis Prize for Basic Immunology  (1998) Fellow of the Royal Society of Canada  (1986) honorary doctor of the University of Hong Kong Paul Ehrlich and Ludwig Darmstaedter Prize  (2004) William B. Coley Award  (2023)
Kidetza	Royal Society Ameriketako Estatu Batuetako Zientzien Akademia Nazionala Arteen eta Zientzien Ameriketako Estatu Batuetako Akademia Royal Society of Canada (en) Academia Europaea (en)