Sviatohirskeko gudua

Sviatohirskeko gudua Sviatohirsk hiritik gertu martxan dirauen Ukrainako Indar Armatuen eta Errusiar Federazioko Indar Armatuen arteko gudua da, 2022ko Donbasseko guduaren parte.

Sviatohirskeko gudua
Ukrainako inbasioa (2022)
2022 Russian invasion of Ukraine.svg
Sviatohirsk inguruko egoera (irudian, hegoaldean), 2024ko martxoaren 5an.
Data2022ko maiatzak 30 – egun (1 urte, 9 hilabete eta 6 egun)
LekuaSviatohirsk, Donetsk Oblasta (Ukraina)
EgoeraMartxan
Gudulariak
 Errusia

 Ukraina

Indarra
Errusiako Indar Armatuak
  • Errusiako Lurreko Indarrak
    • Guardiako Tankeen 1. Armada
      • Guardiako Tankeen 90. Dibisioa[1]
      • Guardiako Errifle Motordunen 144. Dibisioa[2]
    • Guardiako Banatutako Errifle Motordunen 15. Brigada[1]
    • 24. Spetznaz Brigada[1]

Ukrainako Indar Armatuak

  • Ukrainako Lurreko Indarrak
    • Lurralde Defentsako Indarrak
  • Ukrainako Aire Erasoko Indarrak
    • Aire Erasoko 79. Brigada[1]
    • Aire Erasoko 81. Brigada[3]
    • Aire Erasoko 95. Brigada[1]

Aurrekariak
Artikulu nagusia: «Ekialdeko Ukrainako erasoaldia»
Artikulu nagusia: «Donbasseko gudua»
Sakontzeko, irakurri: «Iziumeko gudua», «Kreminnako gudua», «Lymango gudua» eta «Donbasseko Gerra»

Errusia, 2022ko otsailaren 28tik aurrera, hainbat eraso hasi zen burutzen Izium hiriaren aurka, bai eta Errusiako Armadak, martxoaren 3tik aurrera, misil-erasoak hasi ere. Martxoaren 3an bertan zortzi zibil hil ziren, herriko ospitale nagusiak kalte handiak jasan zituenean.[4] Apirilaren 1ean, Ukrainako Armadak Izium Errusiaren kontrolpean zegoela baieztatu zuen.[5][6][7] Biharamunean, Ukrinformi eskainitako elkarrizketa batean, Iziumeko de iure-alkateorde Volodymyr Matsokin-ek esan zuenez, hiriko etxebizitza-eraikinen %80a suntsiturik zegoen eta, gainera, hirian ez zegoela argindarrik, berogailurik edo urik. Kreminna izan zen, apirilaren 18an, Errusiak iragarritako Donbasseko erasoaldian testuinguruan erori zen lehen hiria. Oblast-gobernadoreak jakinarazi zuenez, guduan 200 zibil hil ziren, gehiago izan zitezkeen arren. Ukrainako funtzionarioek apirilaren 25ean jakinarazi zutenez, Errusiako Indarren kideetako batzuk Kreminnako Udaletxean izandako eztanda batean hil ziren, gas-leherketa baten ondorioz.[8] Edozein kasutan, apirilaren 19ko arratsalderako, errusia tropek hiriaren kontrol osoa zuten, ukrainarrerk atzera egin ostean.[9] Maiatzaren 27rako, bestalde, Lymango hiri gehiena Errusiaren kontrolpean zegoen.[10]

Gudua

Maiatzaren 30ean, Sviatohirsk herriaren aurkako bonbardaketen ondorioz, Sviatohirskeko Lavra Iragaitza Santua suntsitu zuten; erasoaren ondorioz, monasterio honetako bi fraide eta moja bat hil ziren, bai eta beste hiru fraide zauritu ere. Maiatzaren 30–31ko gauean, Errusiar Federazioko Indar Armatuek lur-eraso askoz masiboagoa hasi zuten hirian bertan, artilleria-eraso gogorrekin. Maiatzaren 31ko egunean zehar, Errusiar Federazioko infanteria-tropek Sviatohirsken erasoa egin zuten, hiri osoa inguratu eta gudu-poltsa bat osatzeko helburuarekin.[11]

Ekainaren 2an, eskala-handiko sute bat piztu zenSviatohirskeko Lavra Iragaitza Santuaren lurraldean; azkenean, suak monasterioko ermita nagusia irentsiz.

Juri Kotxevenko-k, Ukrainako Armadako ofizialak, erretako monasterioaren argazki bat argitaratu zuen bere Facebookeko profilean honako testuarekin batera: "errusiar barbaroen beste krimen bat da hau, zeinentzat ezer ez den sakratua". Egun horretan ere, Sviatohirsk ukrainar kontrolpeko gainerako lurraldeekin lotzen zuen azken zubia lehertu zen, hiria isolatuz sasi-setio batetan.[12]

Ekainaren 3 zein 4ean, errusiar erasoak biziagoak bilakatu ziren. Errusiak Ukrainako Indar Armatuei lavra-harresien aurrean, nahita, tiro-posizioak ezarri izana leporatu zien; izan ere, errusiarren arabera, ukrainarrek beren bizitzak salbatzeko lavra suntsitua izaten laguntzen ari ziren.[13]

Erreferentziak
  1. https://medium.com/@x_TomCooper_x/ukraine-war-26-29-may-2022-1c2855e4f179
  2. https://uacrisis.org/en/ukraine-resists-russia-s-invasion-day-23-russian-troops-not-able-to-advance-more-terror-against-civilians-russia-to-brandish-nuclear-weapons
  3. https://www.france24.com/en/live-news/20220501-exhausted-ukrainian-soldiers-return-from-eastern-front
  4. «Ukraine: Beleaguered town of Izium at breaking point after constant attack from Russian forces - new testimony» Amnesty International March 16, 2022.
  5. «Russian Offensive Campaign Assessment, April 1 | Institute for the Study of War» understandingwar.org.
  6. «На Київщині ЗСУ звільнили 15 населених пунктів – зведення Генерального штабу» radiosvoboda.org.
  7. «The russians are controlling Izyum – General Staff of the Ukrainian Armed Forces» mil.in.ua.
  8. «Luhansk Military Administration: Russian occupiers and their collaborators die in an explosion in Kreminna City Hall» Pravda.com.ua 2022-04-25.
  9. «Russian forces seize Kreminna in eastern Ukraine's Donbas region - as it happened» The Guardian.
  10. «Russia captures strategically important town ahead of 'next stage' of Ukraine invasion: UK intelligence» news.yahoo.com.
  11. «The monks of the Sviatohirsk Lavra of the UOC were killed and wounded while the bombing» Raskolam.net.
  12. «Ukraine war live: Russia claims Ukrainian forces retreating from Severodonetsk» Euronews.
  13. «Ukraine war: Horror as 16th Century monastery TWICE shelled by Putin erupts into fireball | World | News» Express.co.uk.

Kanpo estekak


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.