Sun Ra

Sun Ra
	; (1973) Irudi gehiago
Bizitza
Jaiotza	Birmingham, 1914ko maiatzaren 22a
Herrialdea	Ameriketako Estatu Batuak
Talde etnikoa	afro-amerikarra
Lehen hizkuntza	ingelesa
Heriotza	Birmingham, 1993ko maiatzaren 30a (79 urte)
Hobiratze lekua	Elmwood Cemetery (en)
Heriotza modua	berezko heriotza: pneumonia
Hezkuntza
Heziketa	Alabama Agricultural and Mechanical University (en) ; A. H. Parker High School (en)
Hizkuntzak	ingelesa
Jarduerak
Jarduerak	musika-talde gidaria, musikagilea, orkestra zuzendaria, jazz musikaria, piano-jotzailea, poeta, teklatu-jotzailea, filosofoa, musika-zuzendaria, idazlea, synthesizer player (en) , aktorea, music arranger (en) eta instrumentista
Lan nabarmenak	ikusi The Heliocentric Worlds of Sun Ra, Volume One (en) ; Jazz in Silhouette (en) ; Purple Night (en) ;
Jasotako sariak	ikusi NEA Jazz Masters ;
Kidetza	The Sun Ra Arkestra; Sun Ra Quartet
Genero artistikoa	jazza; jazz fusion (en) ; Bebopa; experimental music (en) ; space music (en) ; avant-garde jazz (en) ; Free-jazza; swinga; Hard bopa
Musika instrumentua	organoa; pianoa; sintetizadorea; txeloa; giltzadia; Minimoog (en) ; Zelesta
Diskoetxea	El Saturn Records; A&M Records (en) ; BYG Actuel (en) ; ESP-Disk (en)
	sunra.com

Sun Ra —jaiotza-izena: Herman Sonny Blount— (Birmingham, Alabama, AEB, 1914ko maiatzaren 22a - 1993ko maiatzaren 30a) musikagilea eta piano-jotzailea izan zen.

Bizitza

Sun Raren gaztaroko daturik ez dago ia. 1935. urte inguruan John Fess Whatleyk zuzendutako orkestra batean aritu zen. 1930eko hamarraldiaren amaieran, Sonny Blount izenpean, moldaketak idatzi zituen, Chicagoko DeLisa klubean jo zuen, eta Wynonie Harrisen eta Joe Williamsen laguntzaile izan zen. 1946tik 1947ra bitartean, Fletcher Hendersonen orkestrako kide izan zen. 1947an disko bat grabatu zuen piano-jotzaile gisa Dukes of Swing taldearekin. 1950eko hamarraldian hirukote bat osatu zuen, eta berak asmatutako tresna elektroniko bat jotzen hasi zen.

1956an Arkestra orkestra sortu zuen, urteen joanean hainbat izen izan zituena: Solar, Myth Science, Astro Infinity, Intergalactic Research, Astro Intergalactic Infinity, Outer Space eta abar. Orkestra horrekin ikuskizun berezia eskaintzen zuen, musika, argiak, testuen irakurketa eta abar nahasten zituena. Poliki-poliki nabarmenkeriaz betetako ikuskizunak antolatu zituen, eta Frantziako Barne Arazoetako ministro zen Raymond Marcellinek debekatu egin zituen orkestraren emanaldiak. Arkestra taldeak disko ugari grabatu zituen, berrehunen bat, baina disko horien zabalpena ez zen handia izan.

1960ko hamarraldian Sun Rak New Yorken hartu zuen bizilekua, eta oso ezagun bihurtu zen free jazzaren inguruan. Jazz Composer´s Guild Associationaren lanetan parte hartu zuen, Greenwich Villagen jo zuen, eta bira bat egin zuen Kalifornian barrena. 1970eko hamarraldiaren amaieran Filadelfian hartu zuen bizilekua.

Hainbat filmetan ere parte hartu zuen: Cry of Jazz (Edward Bland, 1959), Free Jazz: Sun Ra (Jean-Michel Meurice, 1970), Jazz Concerto: Sun Ra (Luigi Costantini, 1976), Sun Ra: a Joyful Noise (Robert Mugge, 1980), Mister Ra (Franck Cassenti, 1983). Passing Through (Larry Clark) filmeko musika osatu zuen 1977an.

Erreferentziak

Wikimedia Commonsen badira fitxategi gehiago, gai hau dutenak: Sun Ra

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q354508
Multimedia: Sun Ra / Q354508

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.