Sufre hexafluoruro

Sufre hexafluoruro
Formula kimikoa	F6S
SMILES kanonikoa	2D eredua
MolView	3D eredua
Konposizioa	sufre eta fluor
Mota	konposatu kimiko
Ezaugarriak
Disolbagarritasuna	0,003 g/100 g (ur, 25 °C)
Sublimazio-tenperatura	−64 °C eta −63,8 °C
Lurrun-presioa	21,5 atm (20 °C)
Masa molekularra	145,96249 Da
Erabilera
Konposatu aktiboa	Sonovue (en)
Kristalografia
Sistema kristalinoa	Kristal-sistema ortorronbiko
Arriskuak
NFPA 704	0 1 0
Denboran ponderatutako esposizio muga	6.000 mg/m³ (10 h, Ameriketako Estatu Batuak)
Berokuntza globalerako gaitasuna	26.087, 22.200, 32.400 eta 15.100
Eragin dezake	sulfur hexafluoride exposure (en)
Identifikatzaileak
InChlKey	SFZCNBIFKDRMGX-UHFFFAOYSA-N
CAS zenbakia	2551-62-4
ChemSpider	16425
PubChem	17358
Reaxys	7247840
Gmelin	30496
ChEBI	2752
ChEMBL	CHEMBL1796998
NBE zenbakia	1080
RTECS zenbakia	WS4900000
ZVG	5220
DSSTox zenbakia	WS4900000
EC zenbakia	219-854-2
ECHA	100.018.050
MeSH	D013459
RxNorm	1599276
UNII	WS7LR3I1D6
NDF-RT	N0000192569
KEGG	D05962

Sufre hexafluoruroa (SF₆) gas inorganiko, koloregabe, usaingabe, ez-toxiko eta ez-sukoia da (baldintza normaletan). Aireak baino 5 aldiz dentsitate handiagoa dauka, 6,13 g/l, atmosfera bateko presiopean. Geometria molekular oktaedrikoa du, non 6 fluor atomo dauden zentruan dagoen sufre atomoari loturik. Molekula hiperbalentea da.

Sintesia eta propietate kimikoak

1901ean sintetizatu zuten lehen aldiz Henri Moissan kimikako nobel saridunak eta Paul Lebeauk sufrea (S₈) eta fluor gasa (F₂) nahasita.

Gaur egun ere prozesu bera erabiltzen da industrian SF₆a lortzeko. Prozesu honetan sortzen den S₂F₁₀a beroketa bidez banatzen da eta ondoren produktua NaOHrekin garbitzen da SF₄a desegiteko.

Oso inertea da, ez du ia ezerekin erreakzionatzen. Litioarekin ordea exotermikoki erreakzionatzen du.

Tenperatura 204 °Ctik gora igotzen denean deskonposatu egiten da hainbat sustantzia toxiko sortuz. Hala nola, azido fluorhidrikoa, sufre dioxidoa eta zenbait sulfato.

Gas ez polarretan ohikoa den bezala disolbagarritasun txikia du uretan baina ondo disolbatzen da disolbatzaile apolarragoetan(alkohola, eterra, ...).

Erabilpenak

Urtean 8000 tona ekoizten dira.

Industria elektrikoan gas faseko ingurune dielektriko gisa erabiltzen da goi tentsioko (>35 kV) ekipamenduetan, aireak edo nitrogeno lehorrak baino konstante dielektriko haundiagoa baitu.

Magnesioaren industriak kantitate handietan erabiltzen du gas inerte gisa.

Medikuntzan ere erabiltzen da, erretinako kirurgian eta ultrasoinu bidezko irudietan odol-hodien bereizmena handitzeko.

Gas toxiko bat erabiliz egindako eraso terrorista batean gasa metro sarean barna nola zabalduko litzatekeen ikertzeko egindako test batean erabili zuten 2007ko martxoaren 25ean Londoneko St John's Wood metro

geltokian.

Trazatzaile gisa erabili izan da ikerketa ozeanografikoetan itsasoa eta atmosferaren arteko gas-trukaketa ikertzeko.

Negutegi efektua

Negutegi efektua sortzen duten gasetako bat da, CO2a baino 22800 aldiz indartsuagoa. Biziraupen oso luzekoa da, estimazioen arabera 800-3200 urte irauten baititu atmosferan.

Efektu fisiologikoak

Gas hau arnasten duenari ahotsa loditzen zaio. Airea baino 5 aldiz dentsoagoa denez, soinuaren abiadura gas honetan airean duenaren %44 baita. Airea baino dentsitate txikiagokoa den helioak sortzen duen efektuaren aurkakoa eragiten du.

Xenon edo sufre hexafloruroa bezalako gas astunak kantitate txikietan arnastea segurua da oxigenoa %20ko kontzentrazioan duten gas nahasteak erabiliz. Biriketan gasak oso azkar eta modu eraginkorrean nahasten direnez erraz kanporatzen da eta ez da biriken hondoan pilatzen.

Kantitate handietan arriskutsua izan daiteke, ikusezina baita eta ez kolorerik, ez usainik ez duenez oharkapean arnastu baitateke.

Ikus gainera

Negutegi efektua

Erreferentziak

Kanpo estekak

Datuak: Q279055
Multimedia: Sulfur hexafluoride / Q279055

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.