Subaru

Subaru (japonieraz: スバル) , Japoniako automobil-ekoizlea.

Subaru
Datuak
Mota	automobile manufacturer (en) eta dibisioa
Jarduera sektorea	automobilgintza
Herrialdea	Japonia
Jarduera
Enplegatuak	16.961 (2022ko martxoaren 31)
Ekoizpena	automobil eta Industria aeroespazial
Negozio dibisioak	Subaru Tecnica International (en)
Agintea
Egoitza nagusi	Ebisu 35.64685°N 139.71328°E / 35.64685; 139.71328
Legezko forma	kapital irekiko enpresa
Jabea	Subaru Corporation (en)
Historia
Sorrera	1953ko uztailaren 15a
Sortzailea	Chikuhei Nakajima (en) Nakajima (en)
Aurrekoak	Nakajima (en)
webgune ofiziala

1956an sortu zen enpresa, Fuji Heavy Industries taldeko kide da, eta Subaru Impreza modelo enblematikoagatik da ezaguna Mendebaldean.

Taurus konstelazioko izar-multzo baten japonierazko izena da Subaru, eta elkartuta esan nahi du. Horren erakusgarri da, hain zuzen ere, 6 izarrez osatutako Subaruren logotipoa.

1953an sortu zen enpresa. Munduko automobil-ekoizleen sailkapenean, 19. postura igo zen 2004an, 601.505 ibilgailu ekoitzi baitzituen.

1966an, Japonian masiboki fabrikatu zuten aurreko trakziodun lehen automobila (1000 modeloa) merkaturatu zuten. 1972an aurkeztutako SW 4WD kamioneta ere nabarmentzeko moduko gertaera izan zen: lau gurpiletako trakzioa zuen munduko lehen automobila izan baitzen.

Subaru aitzindaria da turismoetan erabateko trakzioa erabiltzen. Subaruren modelo guztiek dute sistema hori.

Modelo apartekoena Legacy da; 2010ean aurkeztu zuten modelo horren bosgarren belaunaldia, Outback-ekin batera. Bi auto horiek motor ahaltsuak eta osagarri ugari dituzte, eta erdiluxuzko automobilen segmentuan sailkatuta daude.

Lau gama egiten ditu Subaruk Japoniatik kanpo esportatzeko: Impreza (C segmentuko turismoa), Legacy (D segmentuko turismoa), Outback (kiroletako auto utilitarioa) eta Forester (kiroletako auto utilitario konpaktua). Azken nobedadea B9 Tribeca 4 x 4 ibilgailua izan da, gamako modelorik handiena.