Stephen Harold Spender

Sir Stephen Harold Spender (1909ko otsailaren 28a - 1995eko uztailaren 16a) ingeles poeta eta kritikaria izan zen. Londres eta Oxforden egin zituen ikasketak, eta Auden, McNeice eta Isherwodd ezagutu zituen. Gero, Alemanian bizi izan zen denboraldi batez, Hanburgo eta Berlinen, Isherwood estatubatuar antzerkigile eta eleberrigilearekin batera. 1930ean, Twenty Poems (Hogei poema) argitaratu zen, bere poema politiko eta pertsonalen bilduma bat. Gero, kritika-lan bat idatzi zuen, The Destructive Element (1935, Elementu suntsitzailea); obra horretan H. James, T. S. Eliot eta Yeatsen obra aztertu zuen, besteak beste, eta literaturan arazo politiko-moralak aztertzeko beharra adierazi zuen. Espainiako Gerra Zibilean Espainia errepublikanoaren aldeko deiadarra egin zuen, The Still Centre (1939, Mugitzen ez den zentroa) poema-bilduman ikus daitekeen bezala. Bizitzan zehar bere pentsamendu politikoa aldatuz joan zen, poesia- eta kritika-lanetan ikus daitekeen bezala: The Creative Element (1953, Elementu sortzailea) obran hasierako iradokizunetako batzuk zuzendu zituen, eta gizabanakoaren sormen-ahalmena eta erresistentzia nabarmendu zituen; World Within World autobiografian (1951, Munduaren baitako mundua) alderdi komunistarekin izan zituen harremanen berri eman zuen. Beste zenbait lan aipagarri: Collected Poems 1928-1953 (1955, Poema guztiak 1928-1953); Trial of a Judge (1938, Epaile baten epaiketa); Collected Poems 1982-85 (1985, Poema guztiak 1982-85); Journals 1939-83 (1985, Egunerokoak 1939-1983). Bestalde, F. García Lorca, Rilke, Schiller, Toller eta beste idazle batzuen lanak ingelesera itzuli zituen.

Stephen Harold Spender
Irudi gehiago
Booker Prize judge (en)
Bizitza
Jaiotzako izen-deiturak	Stephen Harold Spender
Jaiotza	Kensington, 1909ko otsailaren 28a
Herrialdea	Erresuma Batua  Britainia Handia eta Irlandako Erresuma Batua  1927ko apirilaren 12a)
Heriotza	Londres, 1995eko uztailaren 16a (86 urte)
Familia
Aita	Harold Spender
Ama	Violet Hilda Schuster
Ezkontidea(k)	Inez Maria Pearn (en)  (1936ko abenduaren 15a - Natasha Spender  (1941eko apirilaren 9a -  1995eko uztailaren 16a)
Seme-alabak	ikusi Matthew Spender Elizabeth Spender (en)
Anai-arrebak	ikusi Humphrey Spender Michael Spender Christine Spender (en)
Hezkuntza
Heziketa	University College, Oxford (en) Hall School (en) University College School (en) Blundell's School (en) Gresham's School (en) lycée Georges-Clemenceau (en)
Hizkuntzak	ingelesa
Jarduerak
Jarduerak	poeta, idazlea, saiakeragilea, unibertsitateko irakaslea, kazetaria, literatura-kritikaria eta itzultzailea
Enplegatzailea(k)	Londresko University College University of Cincinnati (en) National Fire Service (en)  (1941 -  1944)
Jasotako sariak	ikusi Britainiar Inperioko Ordenaren komendadorea  (1962) Queen's Gold Medal for Poetry  (1971) Knight Bachelor  (1983) Fellow of the Royal Society of Literature Companion of Literature  (1977)
Kidetza	Alemaniako hizkuntza eta literatura akademia Bavariako Arte Ederren Akademka Arteen eta Zientzien Ameriketako Estatu Batuetako Akademia
Zerbitzu militarra
Adar militarra	Nazioarteko Brigadak
Parte hartutako gatazkak	Espainiako Gerra Zibila