Stanley Kramer

Stanley Kramer
	; Irudi gehiago
Bizitza
Jaiotza	Brooklyn, 1913ko irailaren 29a
Herrialdea	Ameriketako Estatu Batuak
Heriotza	Woodland Hills, 2001eko otsailaren 19a (87 urte)
Heriotza modua	berezko heriotza: pneumonia
Familia
Ezkontidea(k)	Marilyn Erskine (1945 - 1945); Karen Sharpe (1966 - 2001)
Seme-alabak	ikusi Kat Kramer; Casey Kramer (en) ;
Hezkuntza
Heziketa	New Yorkeko Unibertsitatea ; Stern School of Business (en) ; DeWitt Clinton High School (en)
Hizkuntzak	alemana; ingelesa
Jarduerak
Jarduerak	zinema ekoizlea, film-zuzendaria, autobiografialaria eta producer (en)
Jasotako sariak	ikusi Zuzendari onenaren Urrezko Globo Saria (1962) : Judgment at Nuremberg; Film onenaren Urrezko Globo Saria - Komedia edo musikala (1970) : The Secret of Santa Vittoria (en) ; Irving G. Thalberg Memorial Award (1962) ; Izarra Hollywoodeko Ospearen pasealekuan ;

Stanley Earl Kramer (Brooklyn, 1913ko irailaren 29a - Los Angeles, 2001eko otsailaren 19a) estatubatuar zinema zuzendari eta ekoizlea zen. Judgment at Nuremberg izan zuen lanik enblematikoena.[1]

Bizitza

New Yorken jaio zen Stanley Kramer, 1913ko irailaren 29an, judu familia batean. Hainbat astekaritan lan egin ondoren, gidoilari moduan hasi zen lanean, eta urtebeteren buruan Metro-Goldwyn-Mayer konpainiako estudio nagusietan hasi zen lanean, muntaketa zerbitzuan.[1]

Bigarren Mundu Gerraren garaian soldaduentzako film didaktikoak zuzendu zituen, eta 1940ko hamarkadaren hasieran ekoizle lanari lotu zitzaion, Albert Lewin eta David L. Loewekin batera. Erich Maria Remarqueren So ends our night filmean egin zituen lehen aldiz ekoizle lanak.[1]

1947an, Screen Plays Corporation In. konpainia sortu zuen, eta 1948an film bat ekoitzi zuen bakarrean lehen aldiz: Richard Fleischerren So this is New York. Filmak izandako porrotak ez zuen Kramer beldurtu, eta 1949an beste konpainia bat sortu zuen, Stanley Kramer Production Pictures. Sam Katz izan zuen laguntzaile 1950etik aurrera enpresa horretan.[1]

1952an, Columbia Picturesek kontratatu zuen, Carl Foremanen gidoian oinarrituriko High Noon filma ekoitz zezan; Fred Zinnemannek zuzendu zuen film hura. Beste film askoren ekoizpenean parte hartu zuen ondorengo urteetan.[1]

Zuzendari gisa, 1955ean eginzuen lehen aldiz lan. Not as a stranger zuzendu zuen urte horretan. Olivia de Havilland, Robert Mitchum eta Frank Sinatra ziren filmeko aktoreetako batzuk. Ondorengo urteetan zuzendu zituen bere lanik ezagun eta enblematikoenak: Judgment at Nuremberg 1961ean eta It's a Mad, Mad, Mad, Mad World 1963an.[1]

Hiru bider ezkondu zen, eta hiruetan aktorea hartu zuen emazte: Marilyn Erskine 1945ean, Anne Pearce 1950ean eta Karen Sharpe 1966an. 2001eko otsailaren 19an hil zen, 87 urte zituela, pneumonia baten ondorioz, Kaliforniako erietxe batean.[1]

Filmografia

Zinema zuzendari

Judgment at Nuremberg filmaren afixa.

Not as a Stranger (1955)
The Pride and the Passion (1957)
The Defiant Ones (1958)
On the Beach (1959)
Inherit the Wind (1960)
Judgment at Nuremberg (1961)
It's a Mad, Mad, Mad, Mad World (1963)
Ship of Fools (1965)
Guess Who's Coming to Dinner (1967)
The Secret of Santa Vittoria (1968)
R. P. M. (1970)
Bless the Beasts and Children (1971)
Oklahoma Crude (1973)
The Domino Principle (1977)
The Runner Stumbles (1979)

Ekoizle

Champion (1949)
Home of the Brave (1949)
The Men (1950)
Cyrano de Bergerac (1950)
Death of a Salesman (1951)
High Noon (1952)
The Wild One (1954)
The Caine Mutiny (1954)
Pressure Point (1962)

Erreferentziak

Stanley Kramer zinemagile eta film ekoizlea hil da. Euskaldunon Egunkaria, 2001ko otsailak 21, CC BY-SA 4.0, berria.eus (Noiz kontsultatua: 2022-1-7).

Kanpo estekak

Datuak: Q73136
Multimedia: Stanley Kramer / Q73136

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[ee-1] Stanley Kramer zinemagile eta film ekoizlea hil da. Euskaldunon Egunkaria, 2001ko otsailak 21, CC BY-SA 4.0, berria.eus (Noiz kontsultatua: 2022-1-7).