Sonora
Sonora Mexikoko 31 estatu federaletako bat da, herrialdearen ipar-mendebaldean dagoena. Ekialdean Chihuahuarekin du muga, hegoaldean Sinaloarekin, ipar-mendebaldean Kalifornia Beherearekin, iparraldean AEBetako Arizona eta Mexiko Berriarekin, eta mendebaldean Kaliforniako golkoarekin. 179.503 kilometro koadroko eremua hartzen du, eta 2.662.480 biztanle zituen 2010ean.[1] Hiriburua Hermosillo da. Heroica Nogales, Arizonako mugetan, Guaymas portua eta Ciudad Obregón, Yaqui haranean, dira beste hirigune nagusiak.
| Sonora | |
|---|---|
 | |
| Administrazioa | |
| Herrialdea |  Mexiko |
| Hiriburua | Hermosillo |
| Gobernadorea | Claudia Pavlovich Arellano PRI |
| Laburdura | Son. |
| Diputatuak | 11 |
| Geografia | |
| Koordenatuak | 29°50′N 110°57′W |
.svg.png.webp) | |
| Azalera | 179.503 km² |
| Demografia | |
| Biztanleria | 2.662.480 biztanle (2010[1]) |
| Dentsitatea | 14.83 bizt/km² |
| www.sonora.gob.mx | |
Geografia
Sonorako basamortuak eta Mendebaldeko Sierra Madrek estatuaren gehiena hartzen dute. Horregatik klima lehorra da, eta muturreko tenperaturak izaten dira. Kostaldeko ordokia ez da oso zabala, Sierra Madreren paraleloan mendialde anitz tartekatzen direlako.
Historia
Espainiarrak 1530etik aurrera bertaratu ziren; Sonora izena hango marmoletik dator, jotzean ezkilaren antzeko soinua ateratzen baitu.
Ekonomia
Klima beroa (20 °C batez beste) eta idorra da, eta landare ekoizpenak ureztatzearen beharra du; horrenbestez, Altar, Sonora, Yaqui eta Mayo ibaiak aprobetxatuz egiten dira. Labore nagusiak hauek dira: garia, artoa, arroza, kotoia, tabakoa, indabak eta fruitu arbolak. Ordoki idorretan behi azienda hazten da. Kobrea, urrea, manganesoa, beruna eta zilarra dira mea baliabideak. Errepide handiek eta burdinbideek zeharkatzen dute estatua, eta Mexiko gainerako aldeekin lotzen dute.
Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
- Macmillan, Palgrave, The Statesman's Yearbook 2017: The Politics, Cultures and Economies of the World, 823. orrialdea, Macmillan Publishers, books.google.es
