Sonia Delaunay Terk

Sonia Delaunay Terk
	; Irudi gehiago
Bizitza
Jaiotza	Hradyzk (en) , 1885eko azaroaren 14a
Herrialdea	Errusiar Inperioa ; Frantzia
Heriotza	Paris eta Parisko 7. barrutia, 1979ko abenduaren 5a (94 urte)
Hobiratze lekua	Gambais
Familia
Ezkontidea(k)	Robert Delaunay ; Wilhelm Uhde (1908 - 1910)
Seme-alabak	ikusi Charles Delaunay;
Hezkuntza
Heziketa	Ukraina
Hizkuntzak	frantsesa; errusiera
Jarduerak
Jarduerak	margolaria, diseinatzailea, moda-diseinatzailea, artista grafikoa, grabatzailea, arkitektura proiektuen marrazkilaria, tapestry designer (en) , marrazkilaria, artista eta bookbinder (en)
Lantokia(k)	Paris; Karlsruhe; Portugal eta Madril
Jasotako sariak	ikusi Arte eta Letren zalduna ; Ohorezko Legioko ofiziala ;
Mugimendua	Orfismoa; simultanism (en)
Izengoitia(k)	Stern, Sara Elievna, Terk, Sonia, Uhde, Mrs. Wilhelm eta Delaunay, Mrs. Robert
Genero artistikoa	paisaia margolaritza; arte abstraktua; izadi hila

Sonia Delaunay Terk, jaiotza-izenez Sarah Ilinitxna Stern (Odesa, Errusiar Inperioa, 1885eko azaroaren 14a - Paris, Frantzia, 1979ko abenduaren 5a) margolari ukrainarra izan zen, Robert Delaunay pintore frantsesaren emaztea.

Biografia

San Petersburgon eta Alemanian ikasketak egin ondoren, Parisa joan zen 1906an, eta hantxe geratu zen betiko. Hasieran Gauguinen eta Van Goghen kutsuko kolore biziko obrak egin zituen.

1910. urtean Robert Delaunayrekin ezkondu zen eta, Cézanneren eta kubisten eragina jaso ondoren (1913, Bal Bullier) harekin batera abiatu zen irudikatze-bide berrien bila. Abstrakzio geometrikoaren aitzindaria da, eta koloreak bere hutsean eskaintzen dituen bideetan barrena abiatu zen. Portugalen eta Espainian egon ondoren lan handiak, kolorea eta forma geometrikoak nagusi zirela betiere (Marché à Minho), eta erritmo zehatzeko obra geometriko ez figuratiboak egin zituen.

Dekorazio-lanak ere egin zituen, irudi geometrikoz (karratu, erronbo, zerrenda zirkularrak, eta abar) hornituriko gauzekin eta ehunek berebiziko eragina izan zuten modaren eboluzioan. Honez gainera, antzerkirako dekoratuak sortu zituen eta parte hartu zuen, senarrarekin batean, Pavillon des chemins de fer et de l´air aretoaren dekorazioan (1937ko Erakustaldia, Paris).

Erreferentziak

Wikimedia Commonsen badira fitxategi gehiago, gai hau dutenak: Sonia Delaunay Terk

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q232972
Multimedia: Sonia Delaunay / Q232972

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.