Solongo Batsukh

Solongo Batsukh (mongolieraz: Солонго Батсүx, Mongolia, 1993) mongoliar emakumezko modelo eta makillaje-artista transgeneroa da. 2014an Mongolia ordezkatu zuen emakume transgeneroentzako Miss International Queen nazioarteko edertasun-lehiaketan, hamar ederrenen artean sailkatuz. 2018an emakumeentzako Miss Unibertso Mongolia edertasun-lehiaketan parte hartu zuen, lehiaketaren historiako lehenengo lehiakide transgeneroa bihurtuz.

Solongo Batsukh
Bizitza
Herrialdea Mongolia
Jarduerak
Jarduerakmodeloa eta makillatzailea

Bizitza

Bilguun Batsukh jaiotza-izenaz, gizon moduan hazi eta hezi zuten Mongoliako Dundgovi probintzian.

20 bat urterekin, unibertsitate ikasle garaian, genero-nortasun ezberdinen inguruan jakin zuen. Halaber, LGTB pertsonei laguntza eskaintzen zien GKE batean lanean zebilela, jabetu zen emakumea izan nahi zuela eta hormona-terapiaz lagundutako trantsizioa egiteari ekin zion.[1]

2014an Mongolia ordezkatu zuen emakume transgeneroentzako Miss International Queen edertasun-lehiaketan eta hamar ederrenen artean sailkatu zen. 2018an emakumeentzako Miss Unibertso Mongolia edertasun-lehiaketan lehiatu zen, nazioarteko Miss Unibertso lehiaketarako Mongoliako ordezkaria aukeratzeko. Nahiz eta ez irabazi, oso ospetsu egin zen bere herrialdean lehiaketa horretan parte hartu zuen lehen emakume transgeneroa izateagatik.

Erreferentziak
  1. (Ingelesez) «Transgender beauty queen breaks barriers» The Star 2018-12-28 (Noiz kontsultatua: 2020-11-26).
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.