Soira

Soira, izen generikoaz Amba Soira edo Emba Soira (3.013 m) Eritreako mendirik altuena da.

Amba Soira
Datu orokorrak
Garaiera3.018 m
Motamendi
Geografia
Map
Koordenatuak14°45′N 39°32′E
Honen parte daRift Haran Handia
MendikateaEtiopiar mendigunea
Estatu burujabe Eritrea
Region of EritreaDebub Region
Mendizaletasuna
Ohiko bideaSenafetik

Etiopiar mendigunearen adarra den eta Rift Haran Handia mugatzen duten Eritreako Lur Garaietan dago. Debub ("Hegoaldea") zoba edo eskualdearen hego-ekialdean dago, Asmaratik 100 bat kmra.

Jakingarriak

Mendiaren izena generikoaz lagunduta Amba Soira[1], Ambasoira edo Emba Soira[2] da. Sowera transkripzioa ere erabiltzen da[3]. Mendiak bere izena Asmarako hotel bati[4] eta Etiopiatik banatu baino lehen zenbait liga irabazi zuen futbol talde bati eskaini dio[5].

Soira Eritrea eta Etiopiaren artean sakabanatutako Saho herriaren lurraldean dago[6].

Altuerarekin iturriak ez dira erabat ados jartzen: 3.013, 3.018, 2989 m... Lehena lehenetsi da, Eritreako Informazio Ministerioak ematen duena baita.

Igoera

Senafe hiritik iparralderantz doan asfaltatutako errepidea hartzen da. Hortik baldintza oso kaskarretan dagoen pistatik ia 20 km ibili behar dira ekialderantz.

Azken zatia oinez egiten da eta denbora aldetik ordu batzuk ematen dira ezinbestean. Eskualdeak oso bisitari gutxi jasotzen ditu, ez da erraza hara heldu edota inguruetan ostatua hartzea eta Senafetik hegoalderantz (Tsorona-Zalambessa izeneko esparruan) muga adostu gabe dagoenez Eritrea eta Etiopiaren arteko gerra eremuetakoa izan zen 1998-2000an eta istilu armatu batzuk 2010ean errepikatu ziren[7].

Erreferentziak
  1. Eritreako Informazio Ministerioa.
  2. Bareknaha: Home of Holy Men.
  3. Funtrivia.com.
  4. Asmera.nl.
  5. History of Football Sport in Eritrea at a Glance ( PART I).
  6. Eritreako herrien mapa Wikimedia Commonsen.
  7. Eritrea says 10 Ethiopian troop killed, Tvnz.co.nz.

Ikus, gainera

Kanpo estekak
  • (Ingelesez) Soira Peakbagger webgunean.
  • (Ingelesez) Soira, Mountain forecast.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.