Soinu efektu

Soinu-efektua edo audio-efektua artifizialki sortutako edo eraldatutako soinua da, zinemagintzan, telebistan, musika grabaziotan, bideo-jokoetan, marrazki bizidunetan, zuzeneko antzerki edo musikaletan eta bestelako euskarrietan helburu artistikoarekin edo edukiak sortzeko erabiltzen den soinua. Zineman eta telebistako produkzioetan, soinu-efektuak grabatu eta erreproduzitu egiten dira eduki narratibo edo sortzailea emateko, elkarrizketarik edo musikarik gabe. Terminoa grabazio batean erabilitako prozesuari aplikatzen zaio maiz, ez grabazioari berari. Zinema eta telebistako produkzio profesionalean, elkarrizketa, musika eta soinu-efektuak elementu bereizi gisa tratatzen dira.

Soinu-efektuak zineman

Zinema-produkzio batean entzuten ditugun ia soinu guztiak postprodukziokoak dira, hau da, ez dira benetako ekintzakoak. Horri foley soinua[1] deitzen zaio zineman irudiaren arabera sinkronizatzen diren soinu-efektuen sortzailea Jack Foley izan zelako. Foley Artistek grabatzen dituzte soinu horiek.[2]

Soinu-efektu horiek hiru ataletan bana daitezke:

  • Zarata diegetikoa: ekintzari dagokio, den bezalakoa da. Haizea, airea, sua...
  • Zarata ez-diegetikoa: objektua ikusi gabe gogo-aldartea sortzeko. Erlojua, urratsak...
  • Zarata deskribatzailea: soinu irrealak erreproduzitzeko asmatua

Bideo-jokoetako soinu-efektuak

Bideojokoetako soinuaz hitz egiteko, soinuaren diseinua aipatu behar da. Ezin da musikaz bakarrik hitz egin, entzun ditzakegun zaratak asko dira : jauziak, pausoak, ateak, elkarrizketak, soinu-banda eta giro-soinua. Laburbilduz, gure bideojokotik datorren edozein soinu.

Erabileraren arabera bana daitezke:[3]

  • Ekintza bat testuinguruan kokatzea: gertaera bati soinu jakin bat esleitzea
  • Espazio bat definitzea: espazio jakin bat definitzen duen elementu gisa soinua erabiltzea
  • Gertaera bat markatzea: zerbaiti arreta eta interesa sortzeko
  • Giro bat sortzea: bideojokoaren hainbat unetan sentsazioa eman eta emozio zehatzak transmititzeko.

Erreferentziak
  1. (Gaztelaniaz) Aprendercine.com. (2018-01-01). «Efectos de sonido en el cine» Aprendercine.com (Noiz kontsultatua: 2023-08-22).
  2. (Gaztelaniaz) «Los efectos sonoros en el cine, creatividad e imaginación para dar vida a un género -» Sound&Pixel (Noiz kontsultatua: 2023-08-22).
  3. (Gaztelaniaz) de 3DJuegos, El equipo. (2020-11-21). «Hablamos del sonido en los videojuegos: su evolución, cómo funciona y su capacidad de influir en el jugador» 3DJuegos (Noiz kontsultatua: 2023-08-22).

Ikus, gainera

Bibliografia
  • Konigsberg, Ira (2004). Diccionario técnico Akal de cine. trad. Francisco López Martín y Enrique Herrando Pérez. AKAL. ISBN 978-84-4601-902-2. 

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.