Sobietar Idazleen Batasuna

Sobietar Idazleen Batasuna edo Sobietar Errepublika Sozialisten Batasunaren Idazleen Batasuna (Союз писателей СССР) SESBko idazle profesionaleen erakundea izan zen.[1]

Sobietar Idazleen Batasuna
Jatorria
Sorrera-urtea1934
Ezaugarriak
Historia
Jasotako sariak
Leninen Ordena
Herrien arteko Adiskidetzaren Ordena

Helburua

Elkartearen helburu nagusiak literatura mundua antolatzea eta herriaren partehartzea ziurtatzea ziren. Halaber, estatuaren erakundeen eta alderdiaren kontrola ezartzen zuen.

Historia

Erakundea Sobietar Batasuneko Alderdi Komunistaren Batzorde Nagusiak sortu zuen 1934an.[2] Laster idazle profesionalentzat ezinbestekoa izan zen partaidea izatearen beharra. Hori ez eginez gero argaitaratzea oso zaila zen. Hori izan zen, esaterako, Boris Pasternaken kasua. Hala ere, borondatezko baxak eman ziren erakundearen historian: Víktor Yerofeiev eta Yevgueni Popov kanporatuak izan ziren eta, erantzun gisa, Vasili Aksionov, Semion Lipkin eta Inna Lisnianskaya idazleek 1979ko abenduan Batasuna utzi zuten.

Behin Sobietar Errepublika Sozialisten Batasuna 1991an deseginda, elkartea Estatu postsobietarrak edo estatu berrien arabera sakabanatu zen. Errusiaren kasuan Errusiako Idazleen Batasuna izena hartu zuen.

Aldizkaria

1946ko urtarriletik 1990eko abendura bitartean, Sobietar Literaturaren Hilabetekaria izeneko aldizkaria argitaratu zuen. Geroago titulua Sobietar Literatura bezala laburtu zen. Aldizkariak Sobietar literaturako itzulpenak argitaratu zituen. Hizkuntza desberdinetan ere argitaratzen zen: ingelesez, frantsesez, alemanez, gaztelaniaz, hungarieraz, polonieraz, txekieraz eta eslovakieraz.

Sobietar Idazleen Batasunaren presidenteak
Maksim Gorki.
  • Maksim Gorki (1934-1936)
  • Vladimir Stavski (1936-1938)
  • Aleksandr Fadeyev (1938-1944)
  • Nikolai Semionovitx Tikhonov (1944-1946)
  • Aleksandr Fadeyev (1946-1954)
  • Nikolai Surkov (1954-1959)
  • Konstantín Fedin (1959-1977)
  • Gueorgui Markov (1977-1986)
  • Vladimir Karpov (1986-1991)[3]

Partaideen kopuruak
UrteaPartaideak
19341500
19543695
19594801
19676608
19717290
19767942
19818773
19869584
19899920

Erreferentziak
  1. Garrard, John; Carol Garrard (1990). Inside the Soviet Writers' Union. Londres: Tauris. xv. ISBN 9781850432609.
  2. TsK the AUCP(B)
  3. ENCYLOPEDIA OF SOVIET WRITERS Sovlit.net

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.