Soba (Kantabria)

Soba
	municipality of Cantabria (en)
	Irudi gehiago
Administrazioa
Estatu burujabe	Espainia
Autonomia	Kantabria
Alkatea	Julián José Fuentecilla García
Izen ofiziala	Soba
Posta kodea	39538
INEk ezarritako kodea	39083
Herriburua	Soba (en)
Geografia
Koordenatuak	43°11′17″N 3°31′02″W
Azalera	214.16 km²
Altuera	330 m
Mugakideak	San Roque de Riomiera, Ruesga, Arredondo, Ramales de la Victoria, Karrantza, Lanestosa, Mena Harana, Merindad de Montija eta Espinosa de los Monteros
Demografia
Biztanleria	1.108 (2023); −23 (2022)
Dentsitatea	5,17 bizt/km²
Informazio gehigarria
Ordu eremua	UTC+01:00
Matrikula	S
	soba.es

Soba Kantabriako udalerria da. 2005ean 1.494 biztanle zituen eta 213,85 km²-ko azalera du.

Artikulu hau Kantabriako udalerriari buruzkoa da; beste esanahietarako, ikus «Soba».

Geografia

Iparraldean Kantabriako Ramales de la Victoria, Arredondo eta Ruesga; hegoaldean Burgosko Merindad de Montija eta Espinosa de los Monteros; ekialdean Bizkaiko Lanestosa eta Karrantza eta mendebaldean Kantabriako San Roque de Riomiera udalerriak ditu. Kantabria osoko hirugarren udalerririk zabalena da, pagadi, harizti eta artadi handiak ditu. Oso herrialde menditsua da, lekurik baxuena 187 metrotara eta altuena 1.605 metrotara izanik. Mendirik altuenak Busta eta San Vicente dira.

Asón eta honen ibaiadarra den Gándara ibaiek udalerria zeharkatzen dute. Gándarak, udalerrian, Riopicote eta Rioquimillo errekak ditu ibaiadarrak. Bizkaiarekin muga egiten duen Calera ibaia Gándararen ibaiadarra ere bada. Bere uretan amuarrainak eta aingirak bizi dira.

Asóngo mendixken parke naturala udalerriaren barnean dago, askotariko flora eta fauna dituena. Udalerrian probintziako leize handien %25a dago, guztira 74 osin, dolina eta leize izanda.[1]

Herriak

1822an udalerri bilakatua, egun 27 herri ditu[1]:

Veguilla (udalerriburua).
Villar.
Villaverde.

Historia

Apenas ez daude herriari buruzko erromatar edo Erdi Aroko aipamenik. 863an Ajako monasterioarekin agertzen da Oñako San Salvador eta Naiarako Andre Maria Erreginaren monasterioen eskutitzetan. XIII. mendean, bertoko Ezquerra de Rozas eta Zorrilla leinuak agertu ziren, gero gaztelar Velascotarrekin bat egingo zutenak. Fernando IV.ak 1300. urtean velascotarrak Sobako jaun izendatu zituen.

XIV. mendearen amaieran, Soba Gaztela Zaharreko Merindade Nagusian zegoela, leinuen arteko liskarrak izan ziren. 1473an Henrike IV.a Gaztelakoak Soba, Medina de Pomar, Briviesca eta Fríasko jauna zen Pedro Fernández de Velasco Gaztelako kondestable izendatu zuen.

Demografia

Bilakaera demografikoa
1900	1910	1920	1930	1940	1950	1960	1970	1980	1990	2000	2009
3.756	4.367	4.315	4.323	4.166	4.097	3.345	2.691	2.023	1.981	1.677	1.385

Ondarea

Espainiako Gobernuak Quintanan dagoen Velascotarren dorrea kultura ondasun izendatu zuen.[2] Gainera, 1791n Wolfgang Mücha austriarrak egindako Lunadako lerratokia babesturik ere badago.

Gertuko udalerrien moduan, martzak ere abesten dute.

Erreferentziak

Kantabriako Gobernua. «Suplemento dedicado a Soba» El Diario Montañés: 6..
Aramburu-Zabala Higuera, M.A. & Losada Varea, Celestina. (2001). Catálogo Monumental de las Cuencas del Asón y del Agüera. Valle de Ruesga ISBN 84-607-3781-0..

Kanpo estekak

(Gaztelaniaz) Sobari buruzko argazkiak.

Datuak: Q1637400
Multimedia: Soba (Cantabria) / Q1637400

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.

[diario-1] Kantabriako Gobernua. «Suplemento dedicado a Soba» El Diario Montañés: 6..

[2] Aramburu-Zabala Higuera, M.A. & Losada Varea, Celestina. (2001). Catálogo Monumental de las Cuencas del Asón y del Agüera. Valle de Ruesga ISBN 84-607-3781-0..