Sirteko golkoa

Sirteko golkoa[1] (arabieraz: خليج سرت‎, Khalīj Surt), batzuetan Sidrako golkoa ere deitua[2], Mediterraneo itsasoan, Libiako kostan dagoen sargune bat da, Misratahetik mendebaldera, Bengazira zabaltzen dena. Antzina Syrtis Maior (‘Sirte Handia’) deitzen zen, Syrtis Minorren (‘Sirte Txikia’), hau da, Gabesko golkoatik bereizteko.

Sirteko golkoa
Motabadia eta Golko
Geografia
Map
Koordenatuak31°30′N 18°00′E
Honen parte daMediterraneoa
Estatu burujabe Libia

Itsasertzak basamortu-itxura du, nagusiki, eta aintzira gaziak ditu. Sirte da badiaren inguruko portu nagusia. Bertatik karabana-ibilbideak egiten ziren Saharako basamorturantz. Sidrako golkoa da Mediterraneo itsasoko gune beroena (abuztuan 31 °C-raino iristen da)

Ekonomiari dagokionez, atunaren eta belakiaren arrantzak garrantzi handia du golkoan.

Jurisdikziopeko uren inguruko errebindikazioak

Libiak, 1973ko urriaren 19ko adierazpenarekin, eta arrazoi historikoak argudiatuz, golko osoa lurralde nazionala zela esan zuen. Hala ere, beste herrialde batzuek mugak jarri dizkiote Libiaren eskaerei.

Erreferentziak
  1. Euskaltzaindia. Ekialde Hurbileko eta Ipar Afrikako toponimia. .
  2. Lur entziklopedietatik hartua.

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.