Demanda mendilerroa

Demanda mendilerroa[1] edo Arandio mendilerroa[2] (gaztelaniaz: Sierra de la Demanda) Iberiar penintsulan dagoen mendigunea da, Iberiar mendilerroan kokatuta. Burgos, Errioxa eta Soria artean dago.

Demanda mendilerroa
Datu orokorrak
Mendirik altuenaSan Lorenzo mendia
Garaiera2.270 m
Motamendikate, mendilerro eta Eremu natural
Geografia
Map
Koordenatuak42°06′49″N 3°07′32″W
MendikateaIberiar sistema
Estatu burujabe Espainia
Autonomia Gaztela eta Leon
Probintzia Burgosko probintzia
Artikulu hau mendilerroari buruzkoa da; beste esanahietarako, ikus «Demanda».

Ebro eta Duero ibaien haranen artean kokatuta dago. Bertan sortzen dira Arlanza eta Arlanzón Duero ibaiaren adarrak, bai eta Oca, Oja, Tirón (Fresneda de la Sierra Tirón herrian) eta Najerilla Ebro ibaiarenak ere.

Tontorrak

Mendirik garaiena Errioxan dagoen San Lorenzo da (2.270 metro), non Valdezcaray eski-estazioa dagoen. Bigarren mendirik garaiena San Millán da (2.132 m), Burgosko probintzian garaiena dena.

Giza paisaia

Eskualdeko herri nagusiak Salas de los Infantes, Belorado eta Pradoluengo (Burgos) eta Ezkarai (Ezcaray), Ozkabarte (Santo Domingo de la Calzada) eta Donemiliaga Kukula (San Millan de la Cogolla) (Errioxa) dira.

Guztira 9.500 biztanle inguru bizi dira eskualdean, horietatik 2.051 Salas de los Infantesen.

Ikus, gainera

Erreferentziak
  1. Euskaltzaindiaren 151. araua: Espainia-Frantzietako eskualdeen izenak.
  2. El euskara en la toponomia de Burgos, Luis María Mujica

Kanpo estekak
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.